रौतहट –बालबालिकालाई दसैं, तिहार तथा छठ पर्वबारे जानकारी गराउने उद्देश्यले यहाँको एक विद्यालयले विद्यार्थीलाई टीका लगाइदिने कार्यक्रमको आयोजना गरेको छ ।

टीका लगाएपछि अग्रजहरूले पर्वको सांस्कृतिक पक्षबारे विद्यार्थीलाई जानकारी गराए । 

चन्द्रपुर–६ को बाल निकेतन माविले शनिबार विद्यार्थीलाई टीका कार्यक्रम गरेको हो ।

दोस्रो त्रैमासिक परीक्षाको अन्तिम दिन पारेर विभिन्न सामाजिक अगुवाका हातबाट टीका लगाइएको थियो ।

छठ पर्वसम्म विद्यालय बिदा हुने हुँदा विद्यार्थीलाई चाडपर्वको महत्त्व र यसको सांस्कृतिक पक्षबारे जानकारी दिन पहिलो पटक यस्तो कार्यक्रम राखिएको विद्यालयका कार्यकारी निर्देशक दीपक रेग्मीले बताए । कान्तिपुर दैनिकमा खबर छ ।