प्रणय दिवसमा ४७८ कैदीबन्दीलाई गुलाफ र चकलेट उपहार !

हरेक वर्ष फेब्रुअरी १४ तारिखका दिन मनाइने प्रणय दिवसको अवसरमा शुक्रवार कैलाली कारागारका कैदीबन्दीलाई गुलाफ उपहार दिइएको छ ।

सामाजिक कार्य सक्रिय संस्था ‘हेल्फ फर ह्याप्पीनेस’ सुदूरपश्चिमले कैलाली कारागारका कैदीबन्दीसँग प्रणय दिवस मनाउँदै गुलाफ उपहार दिएको हो ।


Advertisement

कारागारमा रहेका ४७८ कैदीबन्दीलाई गुलाफको फूल र चकलेट उपहार दिँदै संस्थाले प्रणय दिवस मनाएको छ ।

कार्यक्रममा बोल्दै संस्थाका सुदूरपश्चिम संयोजक घनश्याम भण्डारीले प्रेम रुपलाई नभई मानवतालाई गर्नुपर्ने मान्यताका साथ कैदीबन्दीसँग दिवस मनाइएको बताए । ‘कारागारमा रहेका सबैलाई एक्लो छु भन्ने महसूस हुन नदिन प्रेम स्वरुप रातो गुलाफ उपहार दिइएको हो,’ उनले भने ।


Advertisement

कार्यक्रमका प्रमुख अतिथि कैलाली कारागारका जेलर वीरेन्द्रबहादुर बोहोराले कैदीबन्दीको पीडा बुझेर प्रणय दिवसका केही क्षणमा सामिप्तयता दिएकोमा संस्थालाई धन्यवाद दिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्