मंसिर १०, २०८०
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
फागुन २२, २०७६
शैक्षिक प्रमाणपत्र पेश नै नगरेरै प्रमुख स्वकीय सचिवको तलब खाँदै आएका प्रदेश २ सरकारका उद्योग, पर्यटन, वन तथा वातावरण मन्त्री रामनरेश रायका छोरा दिनेश यादवको तलब रोक्का भएको छ ।
छोरा दिनेशलाई मन्त्री रायले प्रमुख स्वकीय सचिवको रुपमा नियुक्त गरेका थिए । उनीसँगै मन्त्रीका अर्का सचिव मैयुद्दीन अन्सारीको पनि तलब रोक्का गरिएको मन्त्रालयका लेखा अधिकृत परशुराम मिश्रले पुष्टि गरेका छन् ।
यसअघिसम्म विना शैक्षिक प्रमाणपत्र नै मन्त्रीको सचिवालयका सदस्यलाई तलब खुवाउने गरिएको थियो तर महालेखा परीक्षकको कार्यालयले खुवाइएको पारिश्रमिक सबै बेरुजु ठहर गरिदिएको छ ।
‘सचिवालयका सबै सदस्यको शैक्षिक योग्यताको प्रमाणपत्र पेश गर्न मुख्यमन्त्री तथा मन्त्रिपरिषद्को कार्यालयबाट पत्राचार गरेर निर्देशन दिइएको छ,’ लेखा अधिकृत मिश्रले लोकान्तरसँग भने, ‘हामीले सोही निर्देशनानुसार शैक्षिक प्रमाणपत्रको कागजात पेश गर्न उहाँहरूलाई अनुरोध गरेका थियौं ।’ तर मन्त्रीका छोरा दिनेश यादव र अर्का स्वकीय सचिव अन्सारीले हालसम्म शैक्षिक प्रमाणपत्र पेश गर्न नसकेका कारण तलब रोक्का गरिएको उनले बताए ।
२०७६ मंसिरदेखि तलब रोकिएको छ । ‘गत आर्थिक वर्ष २०७५/०७६ मा मन्त्री तथा राज्यमन्त्रीज्यूको सचिवालयका सदस्यहरूको पारिश्रमिक मुख्यमन्त्री कार्यालयबाट नै खुवाउने गरिएको थियो,’ मिश्रले भने, ‘चालू आर्थिक वर्षमा भने मन्त्रालयबाट नै तलब खुवाउने गरिएको थियो ।’
मन्त्री रायका छोरा दिनेशले २०७६ असोजदेखि मंसिरसम्म प्रमुख स्वकीय सचिवको हैसियतमा उपसचिवस्तरको मासिक ४० हजार ३८० रुपैयाँ पारिश्रमिक बुझेका छन् । यसअघिसम्म उनले अधिकृत स्तरको तलब मासिक ३५ हजार ९९० रुपैयाँ बुझेका छन् ।
दिनेशसँगै मन्त्री रायका अर्का स्वकीय सचिव मैयुद्दीन अन्सारीको पनि तलब मंसिर महिनादेखि रोकिएको छ । उनले पनि शैक्षिक योग्यताको प्रमाणपत्र पेश नगरेका कारण तलब रोकिएको हो । उनले चालू आर्थिक वर्षको असोजदेखि मंसिरसम्म मासिक ३५ हजार ९९० रुपैयाँ बुझेका छन् ।
गत आर्थिक वर्षमा समेत तलब बुझेका केही सचिवालय सदस्यको पारिश्रमिक मुख्यमन्त्री कार्यालयले बेरुजु गरेका कारण सबैको कागजात एकसाथ जम्मा गर्ने भनेर ढिलाइ भएको मन्त्रीका छोरा दिनेश बताउँछन् । ‘यसअघिका स्वकीय सचिव सन्तोष प्रतिहस्तसहित केही साथीको समेत कागजात बुझाउन बाँकी छ,’ दिनेशले भने, ‘केही दिनभित्रै शैक्षिक प्रमाणपत्रको कागजात बुझाउने छु ।’
नेपालबाटै एसएलसी, त्रिभुवन विश्वविद्यालयको जनकपुरस्थित आंगिक क्याम्पस रामस्वरूप रामसागर बहुमुखी क्याम्पसबाट आईए उत्तीर्ण गरेको उनले बताए । भारतको दिल्लीस्थित एक विश्वविद्यालयबाट स्नातक उत्तीर्ण गरेको उनले दाबी गरेपनि क्याम्पसको नाम भने उनले बताउन सकेनन् । उनले भने, ‘झूटो कुरा किन गर्नु ? मैले स्नातकोत्तर गरेको छैन ।’
तत्काल रकम बेरुजु भएपनि कस्तो बेरुजु हो भन्ने कुरा महालेखा परीक्षक कार्यालयको प्रतिवेदन आएपछि नै असूलउपर गर्ने वा नगर्ने भन्ने कुरा प्रस्ट हुने मन्त्रालयका लेखा अधिकृत मिश्रले बताए । शैक्षिक प्रमाणपत्र पेश गरेका अन्य सचिवालय सदस्यको पारिश्रमिक भने माघ महिनासम्मको निकासा भएको छ ।
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...