कसैलाई एकपटक कुनै भाइरसको संक्रमण भएपछि मानव शरीरको रोगप्रतिरोधक क्षमताले उक्त भाइरससँग लड्न सक्छ भनी विज्ञान मान्दछ । त्यसैले भाइरसले उक्त व्यक्तिलाई फेरि हानि गर्दैन । 

तर एकपटक कोरोनाभाइरसको संक्रमणबाट ठीक भएमा भाइरसले फेरि आक्रमण गर्न सक्ने सम्भावना पनि रहन्छ । तर यसलाई ठ्याक्कै दाबी गर्न मिल्दैन किनकि कोरोनाको संक्रमणको पहिलो केस डिसेम्बर महिनामा मात्र आएको हो । 

पहिलेका भाइरसहरूको अनुभवबाट भन्न सकिन्छ, एकपटक संक्रमण भएपछि भाइरसविरुद्ध शरीरको रोगप्रतिरोधक शक्तिले एन्टीबडीज बनाउँछ । भविष्यमा भाइरसबाट बच्न यसले सहज गराउँछ । 

उदाहरणका लागि, सार्स र मार्स भाइरस (कोरोनाभाइरस परिवारकै रोगहरू) पछि त्यही रूपमा संक्रमित भएनन् । 

तर चीनबाट आएका ताजा समाचारमा अस्पतालबाट डिस्चार्ज गरेको मानिसलाई फेरि संक्रमण भएको उल्लेख छ । तर यसको पुष्टि गरिएको छैन । 

कोरोना विषाणु ढोकाका ह्यान्डल, लिफ्ट बटन जस्ता धातुका सतहमा ४८ घन्टासम्म सक्रिय रहन्छ । 

केही पुराना अनुसन्धानले कोरोनाभाइरस अनुकूल परिस्थितिमा एक हप्तासम्म सक्रिय रहने देखाएका छन् । 

कपडा जस्ता नरम सतहमा कोरोना लामो समय बाँच्दैन । तपाईं दुई दिनसम्म एउटै कपडा लगाउनुहुन्न भने पनि भाइरस सक्रिय हुन पाउँदैन । 

अनि संक्रमित सतहलाई छुँदैमा कोरोनाभाइरस हुन्छ भन्ने छैन , भाइरस तपाईंको मुख, आँखा र नाक मार्फत शरीरमा नगएसम्म तपाईं ठीक हुनुहुन्छ । त्यसैले अनुहार र मुख छुन अनि हात नधोइकन खाना खान बन्द गर्नुस् । 

मोबाइल फोनलाई साबुनपानी र पेपर टावलले सफा गर्नुपर्छ । 

कोरोनाभाइरसको इन्क्युबेसन पिरियड अर्थात् संक्रमण हुने र लक्षण देखिने समय लगभग १४ दिन हो । अहिलेसम्मका केस हेर्दा संक्रमणको पाँच दिनमा लक्षण देखिन थाल्छ । 

पाँचमध्ये चार मानिसमा रुघाखोकीको लक्षण देखिएर सामान्य रोग जस्तो लाग्छ । धेरै मानिसमा यसको प्रारम्भिक लक्षण ज्वरो र सुक्खा खोकी हो । यी लक्षणबाट तपाईं एक हप्तामा निको हुनुहुन्छ । धेरै मानिसलाई त कोरोना संक्रमण भएको पनि थाहा हुँदैन । 

भाइरस फोक्सो पुग्यो भने एयरस्याक बनाउन थाल्छ र मानिस समस्यामा पर्छ । अनि व्यक्तिलाई सास फेर्न गाह्रो हुन्छ र निमोनिया भइदिन सक्छ । 

चीनमा यो भाइरस लागेका व्यक्तिदाई तीन हप्तासम्म अीपतालमा राखियो । धेरै मानिस मरे तर त्यसभन्दा धेरै चाहिँ निको भए ।