काठमाडौंको नर्भिक अस्पतालमा कोरोना भाइरसको संक्रमणले मान्छेको मृत्यु भएको भनेर अफवाह फैलाउने रामेछापका विवेक थापा मगरलाई प्रहरीले पक्राउ गरेको छ ।

साइबर अपराध अनुसन्धान ब्यूरोका एसएसपी नविन्द्र अर्यालले भक्तपुर सिपाडोलमा अनाधिकृत रुपमा अनलाइन सञ्चालन गर्दै आएका थापा मगरलाई विद्युतीय कारोबार ऐन २०६३ अन्तर्गत कारवाही प्रक्रिया अगाडि बढाइने बताए ।

मगरले नर्भिक अस्पतालमा मान्छे मरेको भनेर तयार पारेको अडियो सन्देश सामाजिक सञ्जालमा भाइरल भइरहेको छ ।

अस्पतालले शनिवारै विज्ञप्ति जारी गर्दै अडियो सन्देश भ्रामक भएको स्पष्ट पारिसकेको छ ।