सरकारले मंगलवारदेखि लागू गरेको लक डाउनको प्रदेश नम्बर पाँचको राजधानी बुटवल लगायत यस आसपासका जिल्लामा पूर्ण रुपमा पालना गरिएको छ ।

यस क्षेत्रमा अत्यावश्यक बाहेक अन्य कुुनै पनि गाडी चलेका छैनन । सर्वसाधारण घरमै बसेका छन् । 

इलाका प्रहरी कार्यालय बुटवलमा प्रमुख डिएसपी भीमलाल भट्टराई बुटवलबासीले लकडाउन भद्र रुपमा कार्यान्वन गरेको बताए ।

उनले लोकान्तरसँग भने, ‘जनता सचेत देखिए । अत्यावश्यक बाहेक अन्य कुुनै पनि सवारी साधान चलाएका छैनन ।’

प्रहरीले सर्वसाधारणलाई सडकमा हामी छौं । तपाईहरु घरमा रहनुहोस भनेको छ । सडकहरु सुनसान छन । रुपन्देहीबाट प्रकाशित हुने राष्ट्रिय दैनिक अधिकाशं पत्रपत्रिकाहरु पनि बन्द भएका छन । पत्रिकाहरुले अनलाइनबाट पाठकलाई सुचना दिएका छन् । 

देशकै दोस्रो ठूलो बेलहिया नाका प्रहरीले सोमबार १० बजेदेखि पूर्ण रुपमा बन्द गरेको छ । नाकामा सोमबार दिनभर रोकिएका ५ सय भन्दा बढी नेपालीलाई सरकारले नेपाल प्रवेश गर्न दिन आग्रह गरेपछि नेपाल आएका छन् । 

जिल्ला प्रहरी कार्यालय रुपन्देहीका प्रवक्ता खडगबहादुर खत्रीले लक डाउन कार्यान्वनमा रहेको लोकान्तरलाई बताए । बेलहिया नाकाबाट इन्धन र अन्य मालबहाक सवारी साधान सहज रुपमै नेपाल आएको बताए ।

खत्रीले भने, ‘खाद्यान्नका पसलहरु खोल्ने भएपछि फाटफुट रुपमा मानिसहरु बाहिर छन । नत्र पूर्ण रुपमै कार्यान्वनमा छ  लकडाउन । प्रहरीले जनताकै सुरक्षाका लागि सरकारले लकडाउन गरेकोले बाहिर ननिस्कन आग्रह पनि गरेको छ ।’