स्वास्थ्य तथा जनसंख्या राज्यमन्त्री नवराज रावतले कर्णालीमा एक साताभित्रै कोरनो भाइरस–१९ को परीक्षण गर्ने ल्याब मेशिन र दक्ष जनशक्ति पठाउने बताएका छन्।

चीनबाट खरिद गरी ल्याइएका मेडिकल सामग्री सोमबार प्रदेश स्वास्थ्य आपूर्ति व्यवस्थापन केन्द्रलाई हस्तान्तरण गर्दै उनले ल्याब मेशिनको परीक्षण गरेर मात्र प्रदेशमा पठाइने बताए।

 ‘मेशिन परीक्षण गर्नेवित्तिकै काठमाडौँबाट एम्बुलेन्समा पठाउने बताए। कर्णालीमा कोरोना भाइरस जाँच गर्ने मेशिन नहुँदा यहाँ आशङ्कित बिरामीको ‘थ्रोट स्वाब’ काठमाडौँ पठाउनुपर्ने बाध्यता छ,’ उनले भने, ‘कर्णालीका लागि आएको मेशिन अन्यत्र जाँदैन, यही साताभित्र दक्ष जनशक्ति मेशिन आइपुग्छ ।’