कोरोनाभाइरससँग सम्बन्धित अप्रिल फूल जोक गर्नेलाई पाँच वर्षसम्मको कारावास सजाय दिन सकिने भनी थाइल्यान्ड सरकारले आफ्ना जनतालाई चेतावनी दिएको छ । 

संसारभरिका देशले कोभिड–१९ का सम्बन्धमा जोक नगर्न मानिसहरूलाई चेतावनी दिएका छन् किनकि जोकमार्फत हल्ला फैलिएर मानिसको जीवन नै जोखिममा पर्न सक्छ । 

‘अप्रिल फूल्स डेमा कोभिड–१९ भएको भनी जोक गर्नु गैरकानूनी हो,’ थाइ सरकारले ट्विटरमा लेख्यो । 

ताइवानकी राष्ट्रपति त्साइ इङ–वेनले मानिसहरूलाई भाइरसका विषयमा जोक नगर्न अनि हल्ला वा गलत सूचना फैलाउनेलाई तीन वर्षसम्मको कारावास सजाय र/वा ३० लाखसम्मको जरिवाना लगाउन सकिने भनी फेसबूकमा लेखिन् । 

भारतको महाराष्ट्र राज्यको साइबर सुरक्षा इकाइले अप्रिल फूल्स डेमा गलत खबर फैलाउने जोकोहीविरद्ध कारवाही चलाइने चेतावनी दिएको छ ।