कोरोना रोकथाम कोषमा २२ करोड जम्मा

सरकारले स्थापना गरेको कोरोना भाइरस संक्रमण रोकथाम तथा उपचार कोषमा मंगलवारसम्म २२ करोड ३२ लाख ३७ हजार ५६९ रुपैयाँ जम्मा भएको छ ।

सरकारले गत चैत १० गते बसेको मन्त्रिपरिषद् बैठकले कोष स्थापना गर्दै कोरोना भाइरसको रोकथामका लागि कोषमा रकम जम्मा गर्न आह्वान गरेको थियो ।


Advertisement

प्रधानमन्त्री तथा मन्त्रिपरिषद् कार्यालयका प्रवक्ता राजेन्द्रकुमार पौडेलले दैनिक कोषमा रकम जम्मा भइरहेको जानकारी दिए । उनका अनुसार कोषमा मंगलवार मात्र नेपाल औद्योगिक महासंघले ५० लाख, १ लाखभन्दा कम दिएकाबाट १ करोड ९ लाख २९ हजार २४ जम्मा भएको छ ।

सरकारले कोषमा रकम जम्मा गर्न आह्वान गरेपछि सांसद, कर्मचारी, उद्योगीले जम्मा गरिरहेका छन् । 


Advertisement

राष्ट्रपति विद्यादेवी भण्डारीले २ महिना, प्रधानमन्त्री केपी शर्मा ओली, सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सेनाले १ महिना बराबरको रकम उक्त कोषमा जम्मा गरिसकेका छन् ।

कमेन्ट गर्नुहोस्