लकडाउनपछि परित्यक्त पाकिस्तानको पशु बजारमा खोरभित्र मरेका कुकुर, बिरालो र खरायोका लाशहरू फेला परेका छन् । 

कोरोनाभाइरस महाव्याधि चर्केपछि पाकिस्तानका प्रमुख शहरहरूमा लकडाउन लगाइएको छ र धेरै पसलहरू बन्द छन् । 

खानेकुरा र औषधि जस्ता अत्यावश्यक सामान बेच्ने पसलहरू मात्र खुलेका छन् । 

घरपालुवा जनावर बेच्नेहरूलाई पनि यसले असर पार्‍यो । केहीले रातिराति आएर जनावरहरूलाई खाना खुवाउने समेत गरे । 

पशुअधिकारकर्मी आयेशा चुन्द्रिगार कराचीको एम्प्रेस मार्केट जाँदा जनावरहरू कराइरहेको सुनिन् । लकडाउन घोषणा भएको दुई हप्तासम्म ती जनावरहरू खान नपाई पिँजडामा कैद थिए । 

खोरमा उज्यालो पनि आउँदैनथियो अनि हावा पनि पस्दैनथियो । बाँचेका पशुहरू मरेकासँगै काँप्दै बसेका थिए । 

फेसूबकमा अप्लोड गरेको एक भिडियोमा पशुहरूलाई बजारबाट उद्धार गरेको देखिन्छ । 

६ मिनेटको क्लिपमा एसीएफ पशु उद्धार स्वयंसेवीहरूले दर्जनौं जनावरलाई तल झारेको देखिन्छ । 

पशुअधिकारकर्मीहरूले अधिकारीहरूलाई पहुँच दिन अपील गरेपछि बल्ल जनावरहरूको उद्धार गर्न सकिएको थियो । 

चुन्द्रिगर एसीएफ एनिम रेस्क्यु नामक संस्था चलाउँछिन् । उनले भनिन्, ‘हामीहरू भित्र जाँदा अधिकांश जनावर मरिसकेको थिए, लगभग ७० प्रतिशत । तिनीहरूको लाख भुइँमा थियो । निकै डरलाग्दो दृश्य थियो । म वर्णन गर्न पनि सक्दिनँ ।’

पशुहरूको उद्धार गरेपछि चुन्द्रिगरले कराचीका अधिकारीहरूलाई पसले र आफ्नो टीम दिनदिनै जनावरको हेरचाहका लागि जान दिन विश्वस्त तुल्याएकी छन् ।