कोरोनाभाइरस महामारीले ल्याएको संकटका कारण अहिले संसार समस्यामा परेको छ । तर यस्तो बेलामा पनि अमेरिका र चीनबीच वाग्युद्ध जारी छ । 

यस्तो संकटको बेलामा अमेरिकाले दक्षिण चीन सागरमा युद्धविमानहरू पठाएको आरोप चीनले लगाएको छ । 

चीनको परराष्ट्र मन्त्रालयले बुधवार जारी गरेको बयानमा भनिएको छ, ‘चीन अहिले कोरोनाभाइरस महामारी रोक्नका लागि संसारका विभिन्न देशलाई सहायता गरिरहेको छ । तर अमेरिका चाहिँ आफ्नो युद्धपोत र युद्धविमानहरू दक्षिण चीन सागरमा पठाइरहेको छ । उसले चीनको सम्प्रभुतामा चुनौती दिएको छ । अमेरिका पहिले आफ्नो देशमा फैलिएको महामारीको व्यवस्थापन गरोस् ।’

चीनले अमेरिकालाई पनि लगातार सहायता दिइरहेको छ र केही दिनअघि न्युयोर्कका अस्पतालमा भेन्टिलेटर पठाएको छ, बयानमा उल्लेख गरिएको छ । 

अमेरिकाले चाहिँ आफू चीनको सम्प्रभुता रहेको क्षेत्रमा गएको नभई सबै देशले उपयोग गर्न पाउने अन्तर्राष्ट्रिय जलीय क्षेत्रमा मात्र पुगेको बताएको छ ।