फागुन ५, २०८०
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
उपत्यकाबाट बाहिरिने र भित्रिने एम्बुलेन्सले यात्रुहरू ओसारपसार गरेको पाइएको छ ।
बिरामी ओसारपसार गर्ने एम्बुलेन्समा बिरामी भएको नाटक गराएर यात्रु ओसारपसार गर्ने गरेको पाइएको छ ।
मंगलवार बिहान ११ः४५ बजेको समयमा काठमाडौंको सतुंगलमा बा १४ च ७७११ नम्बरको एम्बुलेन्स ४ जना यात्रु चितवनका लागि हाल्दै थियो ।
२ जना महिला र २ जना पुरुष एम्बुलेन्समा चढिसकेको अवस्थामा लोकान्तरकर्मीले सोध्दा नबोलिकन गाडी हुइँकियो ।
यसैगरी नेपाल रेडक्रस सोसाइटी रग्तसञ्चार केन्द्र भरतपुर चितवन लेखिएको बा २ च १६६ नम्बरको एम्बुलेन्स यात्रु चढाउनका लागि तयारी अवस्थामा थियो ।
लोकान्तरको गाडी देखेपछि उनीहरू हताहतार साइड लागे तर लोकान्तरको गाडी पर पुगिसकेपछि यात्रु चढाएर एम्बुलेन्स अगाडि बढ्यो ।
अत्यावश्यक बिरामी बोक्ने एम्बुलेन्सले साधारण यात्रु बोकेर साइरन बजाएर जाने गरेका छन् ।
अत्यावश्यक सवारी साधन भएकाले एम्बुलेन्स निगरानीमा नपर्ने नागढुंगामा ड्यूटीमा खटिएका ट्राफिक प्रहरी हवल्दार सुनिल नेपालीले बताए ।
‘एम्बुलेन्सलाई खासै चेकजाँच गर्न पनि मिल्दैन, बिरामी बोकेर आएका हुन्छन् भन्ने हामीलाई विश्वास हुन्छ, तर कसैले यस्तो काम गरेका रहेछन् भने हामी छाड्दैनौं,’ हवल्दार नेपालीले लोकान्तरसँग भने ।
उपत्यकाबाट बाहिर जाने अधिकांश एम्बुलेन्सहरू खाली जाने गरेको र यदि शंकास्पद लोगेको खण्डमा प्रहरीले सोधखोज गर्ने गरेको हवल्दार नेपालीले बताए ।
अस्पतालबाट डिस्चार्ज भएर घर जानेहरूलाई भने जान दिने गरेको र ट्रक चालकहरूले गाडीमा जथाभावी मानिसहरू बोकेर ल्याएको पाइए नागढुंगामा ओराल्ने गरेको ट्राफिक जवान मनोज चापागाइँले बताए ।
‘बिरामी निको भएर घर फर्कन लागेका मानिसहरूलाई हामीले जान दिने गरेका छौं तर कतिपय ट्रक चलाकहरूले मानिसहरू लिएर आउनुभएको हुन्छ, त्यस्तोलाई भने हामीले जान दिएका छैनौं,’ जवान चापागाइँले लोकान्तरसँग भने ।
कुराकानीका क्रममा लु १ च ७६६६ नम्बरको एम्बुलेन्स रित्तै फर्किन लागेको भेटियो ।
यस्तै लु १ च ७६६६ एम्बुलेन्स चालकले चितवनबाट काठमाडौंको टिचिङ अस्पतालमा अत्याधिक रक्तस्राप भएर एकजना बिरामी लिएर आएको र फर्किँदा खाली नै फर्किन लागेको बताए ।
‘अत्यधिक रक्तश्रावको बिरामी लिएर म टिचिङ अस्पताल आएको थिएँ, अहिले रित्तै फर्किंदैछु, अरू मानिस बोक्ने गरेको छैन,’ उनले लोकान्तरसँग भने ।
बाटोमा हिँडिरहेका मानिसहरूले रोक्न खोजे पनि आफूले नरोक्ने गरेको उनले बताए ।
विनापीपीई बिरामी बोक्दा डर लाग्छ
विनापीपीई बिरामी बोक्दा कोरोनाको संक्रमण हुन्छ कि भन्ने डर लाग्ने गरेको एम्बुलेन्स चालकहरूले बताए ।
दाङबाट बिरामी बच्चालाई लिएर आएको रा १ च ४२९ नम्बरको एम्बुलेन्सका चालक भागवत चौधरीले विना पीपीई एम्बुलेन्स चलाइरहेका थिए ।
उनी टिचिङ अस्पतालमा बिरामी छाडेर फर्कंर्दै थिए, तर उनीसँग पीपीईको कुरै छाडौं गतिलो मास्क समेत छैन ।
‘हामीलाई कसले मास्क र पीपीई दिने ? यत्तिकै बिरामी बोक्दा डर त लाग्छ तर के गर्नु बिरामी बोक्नै पर्यो,’ चौधरीले लोकान्तरसँग भने ।
यस्तै विना पीपीई बिरामी लिएर आएका चितवनको लु १ च ७६६६ नम्बरका एम्बुलेन्स चालकको भनाइ पनि उस्तै छ । उनले पनि काठमाडौंमा पीपीई किन्न पाइने भन्ने सुनेकाले खोज्न हिँडेको बताए ।
‘डर–डरमा काम गर्नुपर्छ, पीपीई किन्न पाइन्छ रे भनेर खोज्दै हिँडेको छु,’ ती चालकले लोकान्तरसँग भने ।
२४ घण्टामा ७० एम्बुलेन्स काठमाडौं भित्रिए
पछिल्लो २४ घण्टामा ७० वटा एम्बुलेन्स राजधानी भित्रिएको महानगरीय ट्राफिक प्रहरी प्रभाग नागढुंगाले जनाएको छ ।
महानगरीय ट्राफिक प्रहरी प्रभाग नागढुंगामा रहेको पछिल्लो २४ घण्टाको तथ्यांकलाई हेर्दा उपत्यकामा ७० वटा एम्बुलेन्स भित्रिएका छन् भने ८९ वटा एम्बुलेन्स बाहिरिएका छन् ।
२४ घण्टामा १ हजार ३१६ वटा सवारी साधनहरू अवातजावत गरेको देखिन्छ, जसमध्ये ४ सय ६८ वटा सवारी साधनहरू भित्रिएका छन् भने ८ सय ५० सवारी साधन बाहिरिएका छन् ।
उपत्यकामा भित्रनेको भन्दा बाहिरिनेको संख्या बढी देखिन्छ ।
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...