चैत १५, २०८०
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
विश्वव्यापी महामारीको रूपमा फैलिएको कोरोनाभाइरस (कोभिड– १९) का कारण बन्दाबन्दी (लकडाउन) घोषणा गरिएपछि रामेछापका २ युवाले पोखरादेखि रामेछापसम्म साइकलको यात्रा गरे ।
रोचक कुरा त के भने, यसअघि कहिल्यै साइकल नचलाएका उनीहरूले घर आउनकै लागि साइकल सिकेर यात्रा शुरू गरेका रहेछन् ।
पोखराबाट झण्डै ३ सय २५ किलोमिटर यात्रा गरेर उनीहरू शुक्रवार रामेछाप नगरपालिकाको दाङसिङटार र ओख्रेनी पुगेका हुन् ।
कास्कीको पोखरामा निर्माणको काम गर्ने टेकबहादुर मगर (निलो टिशर्ट) र सूर्यबहादुर पुलामी मगर (रातो टिशर्ट)ले साइकलमार्फत घरसम्मको यात्रा पूरा गरेका हुन् ।
‘जीन्दगीमा अनौठो भोगाइ भयो, यहाँ आइपुगेपछि त अब घरको मूलढोका टेकेजस्तो भयो,’ शुक्रवार अपराह्न सिन्धुलीको खुर्कोटमा भेटिएका टेकबहादुरले लोकान्तरसँग भने ।
भवन निर्माणको काम गर्ने उनीहरू मिस्त्री कामका लागि चैत १ गते पोखरा गएका थिए ।
उनीहरू पोखराको कुँडरमा काम गर्ने र बस्ने गरेका थिए । पोखराका ठेकेदार धनबहादुर गुरुङले नै उनीहरूलाई साइकलको व्यवस्था गरिदिएका हुन् ।
‘बस चल्छ कि भनेर ३ साता कुर्यौं, तर लकडाउन खुल्ने छाँटकाट नदेखिएपछि साइकल चढेरै हिँड्यौ,’ पुलामीले लोकान्तरसँग भने ।
सजिलो बाटोमा साइकल चलाएपनि उकालोमा साइकल डोर्याएरै हिँडेको उनीहरूले बताए ।
‘भर्खर साइकल सिकेका कारण अप्ठ्यारोमा चलाउन जानिएन, उकालो जति साइकल धकेलेर आयौं, धन्न साइकल पञ्चड भएन,’ टेकबहादुरले अनुभव सुनाए ।
साइकलमा हिँडेको पहिलो दिन उनीहरू मुग्लिननजिक आएर बसेका थिए । दोस्रो र तेस्रो दिन उनीहरू धादिङमै बसे ।
दोस्रो दिन धादिङ सदरमुकाम जाने बाटोभन्दा अलिमाथि जंगलमा बसेको उनीहरूले बताए ।
‘तेस्रो दिन त्यो नौबिसे भन्ने ठाउँमा बसियो, अर्को दिन धुलिखेलभन्दा अलितल पुगेका थियौं,’ उनले भने ।
कहिले घर पुगौंला भन्ने चिन्ताले रातमा बाघभालुको डर समेत नलागेको उनीहरूले सुनाए ।
‘पहिलो दिन त साइकल चलाइयो, दोस्रो दिन त धेरै चलाउन सकेनौं बीचमा आएर बस्यौं, तेस्रो दिन नौबिसे पुग्यौं,’ टेकबहादुरले भने, ‘कहाँ जंगल छ, कहाँ बस्ती छ भन्ने थाहा भएन, जंगलैकै बीचमा बास बसियो, जसो तसो आइपुगियो ।’
साइकलमा हिँड्दाहिँड्दै सूर्यबहादुरको मोबाइल फोन हरायो ।
‘घरबाट पनि धेरै चिन्ता गरे, हामी हिँड्दै आउन खोजेका थियौं, ठेकेदार दाइले नै साइकल मिलाइदिनुभयो,’ पुलामीले भने ।
पृथ्वी राजमार्गमा हिँड्दा पैदलै घर जानेको लर्को लागेको देखेको उनीहरूले बताए ।
‘आफ्नै देशको एक ठाउँबाट घर आइपुग्दा पनि मुग्लानबाट आएजस्तै भयो, घरमा पुगेपछि परिवारमा सबै खुसी भए,’ टेकबहादुरले घर पुगेपछि फोनमा भने ।
१० दिन मात्र काम गर्न पाएका उनीहरूले ५ दिनको मात्र तलब लिएका थिए ।
‘कमाउन भनेर गएको घर फर्किंदा गोजीमा ५ सय जति लिएर फर्कियौं,’ उनले भने ।
यसअघि रामेछाप मन्थलीका भीमबहादुर लामाले म्याग्दीदेखि पैदल हिँडेर मन्थली पुगेका थिए ।
लकडाउनका कारण काम नपाएको तथा बेखर्ची भएको भन्दै राजमार्गमा पैदल हिँडेर घर जानेको लर्को लागेको छ ।
कोरोना संक्रमण फैलिन नदिन सरकारले गएको चैत्र ११ गतेदेखि लकडाउन घोषणा गरेको थियो ।
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...