किम्बर्ली ब्रेडी

कोरोनाभाइरसका केसहरूको यकिन संख्या यही नभएर कैयौं गुणा बढाइचढाइ गरिएको पो छ कि ? यससम्बन्धीका अनुमानहरू कम्प्युटर मोडलले गरेका त्रुटि पो हुन् कि ? मोडलको डेभलपरले आफैं यसलाई स्वीकार गरिसकेका छन् कि ? कोरोनाभाइरसका कारण भएका मृत्युको संख्या बढी देखाउनका लागि मृत्यु प्रमाणपत्रहरूमा चलखेल गरिएको छ कि ? मुटुरोग वा मधुमेह वा फोक्सोरोग (सीओपीडी) जस्ता गम्भीर रोगबाट मर्न लागेका मानिसलाई कोरोनाभाइरसबाट मरेको भनिएको पो छ कि ? खोकी वा ज्वरो जस्ता केही लक्षणकै आधारमा मानिसलाई वास्तविक परीक्षण नगरिकनै कोरोनाभाइरस लागेको भनी अस्पतालहरूले बताइरहेका छन् कि ?

सन् १९७६ मा स्वाइन फ्लुका विषयमा अनि त्यसपछि बर्ड फ्लु, एचआईभी, सार्स वा मर्सका विषयमा सीडीसी गलत साबित भएजस्तै यसमा पनि गलत प्रमाणित हुन्छ कि ? स्वाइन फ्लु आफैंले भन्दा स्वाइन फ्लुको खोपले बढी मानिस बिरामी भएकाले त्यो कार्यक्रम रोक्नुपरेको हो कि ? अमेरिकाका शीर्ष महामारीविद् एन्थोनी फाउचीको सम्बन्ध ठूला औषधि कम्पनीसँग पो छ कि ? त्यसैले उनले यो रोगको उपचार खोपविना सम्भव छैन भनिरहेका हुन् कि ? फाउचीको सम्बन्ध कम्प्युटर तथा खोप विक्रेता बिल गेट्ससँग छ कि ? तपाईंको घाँटीबाट प्रवेश गर्ने भाइरसविरुद्ध तपाईंको प्राकृतिक रोगप्रतिरोध क्षमता खोपभन्दा बलियो छ कि ? कोभिड–१९ बाट मारिएका भनिएकाहरू पहिले नै मरणासन्न थिए कि ? सबै भाइरसविरुद्ध स्वस्थ रोगप्रतिरोध क्षमता नै सर्वोत्कृष्ट प्रतिरक्षक हो कि ? भिटामिन ए, सी र डी३ जस्ता सस्ता कुराले नै तपाईंको रोगप्रतिरोधक क्षमता बढाउँछ कि ? रोगप्रतिरोधक स्वास्थ्यका लागि जिंक र सेलेनियम महत्त्वपूर्ण छन् कि ? टीभीमा आएर गफ दिने चिकित्सकहरूले भिटामिन र मिनरलको उल्लेख कहिले पनि नगर्ने गरेका छन् कि ? 

सामाजिक दूरीले तपाईंलाई भाइरस लाग्नबाट जोगाउने नभई भाइरसको संक्रमणलाई सुस्त बनाउने मात्र हो कि ? यसरी भाइरस संक्रमणलाई सुस्त बनाएर यसको जीवनलाई लम्ब्याइरहने अनि संकट तथा त्रासको स्थिति राखिरहेर हाम्रो जीवनलाई नियन्त्रणमा राख्ने तरिका अपनाइएको पो हो कि ? मास्क लगाउँदा भाइरस रोक्न नसकिने हो कि ? आँखा र कानलाई मास्कले नछोप्ने तर तिनको सीधा सम्पर्क मुख र घाँटीसँग हुने हो कि ? यो भाइरस पनि सामान्य मौसमी रुघाखोकी जस्तै पो हो कि ? अहिलेको संकट बढाइचढाइ गरिएको र जानीजानी त्रास उत्पन्न गराउन लम्ब्याइएको हो कि ? डरसँग नै डर मान्नुपर्ने हो कि ? 

सरकारले ठूलो कर्पोरेट कम्पनी र बैंकहरूलाई खर्बौं डलर दिनका लागि कोरोनाभाइरस आर्थिक सहायता प्याकेज भनेको पो हो कि ? सरकारले सामान्य जनताको डलरको भाउ तथा क्रयक्षमता ध्वस्त पारेर खर्बौं डलर छाप्दै धनीलाई फाइदा दिलाउन पो खोजेको छ कि ? स्टक मार्केट आफैं ध्वस्त हुन लागेकोमा त्यसो झूटो दोष भाइरसलाई दिइँदै पो छ कि ?

टेलिभिजन हेर्न छोडेर अनि मूलधारे सञ्चारमाध्यममा आउने समाचारमाथि प्रश्न गरेर तपाईं इन्टरनेटमा आफैं खोजबीन गर्नुहुन्छ कि ? विश्वसनीय मानिस र संस्थाहरूले मूलधारे मिडियाका खबरमा प्रश्न उठाइरहेका छन् कि ? हामीसँग झूट बोलिँदैछ कि ? जानीजानी झूट बोलिएको हो कि ? यो संकटपछि हामीमाथि शक्ति आर्जन गर्ने मानिस पो छन् कि ? 

हामीलाई मूर्ख पो बनाइँदैछ कि ? यो सबै ध्यान अन्यत्रै मोड्ने प्रयास पो हो कि ? भाइरस हाम्रो वास्तविक शत्रु हैन कि ? 

एकपटक सोच्नुस् !

इन्फर्मेसनक्लियरिङहाउसबाट