कोभिड–१० महाव्याधिको उद्गमस्थल चीनको वुहानमा पाँच नयाँ स्थानीय संक्रमण देखिएका छन् भने मुख्यभूमि चीनमा संक्रमणको संख्या बढेको छ ।

चीनमा सोमवार कोरोनाभाइरसका १७ वटा नयाँ केस देखिए । नयाँ पत्ता लागेका केसमध्ये सातवटा विदेशबाट आएकाको हो भने १० वटा स्थानीय संक्रमण हुन् । 

वुहानमा पाँचवटा केस देखिएका हुन् । 

यी संख्याहरू डरलाग्दा नभएपनि अप्रिल २८ पछि चीनमा यति देखिनु पनि ठूलै कुरा हो । 

वुहानमा एक महिनाअघि मात्र कोभिड–१९ को अन्तिम रोगी निको भएको भनी खुशियाली मनाइएको थियो । तर अहिले संक्रमणको संख्या बढ्नुले चिन्ताको संकेत दिएको छ । 

यसअघि मार्च ११ मा एकैदिन आठवटा केस देखिएका थिए ।