पुस २८, २०८०
काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...
बुटवल धागो कारखानाको कोरोना विशेष अस्पताल कोभिड–१९ का बिरामीले भरिएको छ ।
अस्पतालको आइसोलेसनमा रुपन्देही र कपिलवस्तुका ३६ जना बिरामीको उपचार भइरहेको छ ।
मंगलबार एकैदिन रुपन्देहीका ९ र कपिलवस्तुका ८ जनामा कोरोना पुष्टि भएपछि शय्याको अभाव खड्किएको छ ।
अप्रत्याशित रुपमा रुपन्देही र कपिलवस्तुमा कोरोनाका बिरामी भेटिएपछि अब उपचार लागि शय्या अभाव देखिएको छ । अस्पतालका फोकल पर्सन तथा कन्सल्टेन्ट डा. सुदर्शन थापाले शय्या अभाव भएपछि मंगलवार कपिलवस्तुका ४ र रुपन्देहीका ५ जना बिरामीलाई भैरहवाको कोरोना उपचार अस्पतालको रुपमा विकास गरेको भीम अस्पतालमा बिरामीलाई पठाउनुपरेको बताए ।
५ नम्बर प्रदेशको सामाजिक विकास मन्त्रालयका चिकित्सा महाशाखा प्रमुख डा. उमाशंकर चौधरीका अनुसार प्रदेशमा १८४ आइसोलेसन शय्या, २६ आईसीयू र १२ वटा भेन्टिलेटर छन् ।
डा. थापाले भने, ‘आइसोलेनसका ३६ शय्या थिए । ती सबै भरिए, अब आईसीयूका ८ शय्या मात्र छन् । क्रिटिकल अवस्थाका बिरामीलाई मात्र आईसीयूमा राख्ने हो । यहीँ अवस्थाले बिरामी बढ्दै जाने हो भने थग्न सक्ने अवस्था नै रहँदैन ।’
मंगलवार रुपन्देहीको कोटहीमाईका पहिलो संक्रमित २५ वर्षीया युवा निको भएर घर फर्किएका छन् । कोरोना अस्पतालमा अहिले डाक्टरसहित २० जनाको मात्र जनशक्ति छ ।
उपयोगविहीन रहेको धागो कारखानालाई प्रदेश सरकारले कोरोना अस्पतालको रुपमा विकास गरेको थियो । बुटवलमा शय्या अभाव भएपछि ४ जना बिरामीलाई भैरहवाको भीम अस्पतालमा रिफर गरिएको छ । भीम अस्पतालमा अन्य बिरामीको पनि उपचार हुन्छ । जसले गर्दा अन्य व्यक्तिमा पनि संक्रमण फैलिने खतरा बढ्ने देखिन्छ ।
भीम अस्पतालका चिकित्सक डा. सुमित प्रजापतिले लुम्बिनी नगरपालिकाका ४ जना कोरोना संक्रमितलाई मंगलवार राति ११ बजे अस्पतालमा भर्ना गरिएको बताए ।
‘एउटै भवनमा अन्य उपचार र कोरोनाको उपचार गर्दा जोखिम बढी हुन्छ । यो अस्पताललाई कोरोनाका रुपमा विकास गर्दा प्रदेश सरकारले सोच्नुपर्ने हो । अहिले बिरामी नल्याउन भन्न पनि भएन,’ उनले भने । रुपन्देही र कपिलवस्तुमा अझै बिरामी बढ्ने देखिन्छ । भारतबाट लुकीछिपी आउने क्रम रोकिएको छैन ।
अस्पतालमा बिरामी भरिएपछि धागो कारखानामा २०० वटा आइसोलेसन शय्या थप गर्ने प्रदेश सरकारको तयारी छ । लुम्बिनी प्रादेशिक अस्पतालको मातहतमा रहेको अस्पताललाई विस्तार गरेर २०० शय्या थप्ने निर्णय गरिएको अस्पताल विकास समितिका अध्यक्ष सूर्यबहादुर भट्टराईले जानकारी दिए । उनले कहिलेबाट काम शुरू हुन्छ भन्ने खुलाउन सकेनन् । ‘सरकारी प्रक्रिया हो । आजभोलिदेखि नै काम शुरू गर्ने भन्ने छ,’ उनले भने ।
रुपन्देही र कपिलवस्तुमा कोरोना संक्रमित बढ्दै जाँदा कोरोना संक्रमित बिरामीको चापलाई मध्यनजर गर्दै शय्या थप गर्ने निर्णय गरिएको उद्योग, पर्यटन, वन तथा वातावरण मन्त्री लिला गिरीले जानकारी दिए ।
५ नम्बर प्रदेशका ४ वटा अस्पताललाई कोरोना विशेष अस्पतालको रुपमा विकास गरिएको छ । दाङ, नेपालगञ्ज, बुटवल र भैरहवाका ४ अस्पताललाई प्रदेशमा कोरोना उपचार गर्न तोकिएको छ । आवश्यक परे प्रहरी र सेना अस्पताल पनि उपयोग गर्ने प्रदेश सरकारको तयारी छ ।
प्रदेशमा कोरानो संक्रमितको संख्या ७० पुगेको छ । कपिवस्तुमा २९, रुपन्देहीमा १७, बाँकेमा २४ बर्दियामा १ जना संक्रमित भेटिएका छन् ।
काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...
कानेगुजीलाई बेवास्ता नगर्नुस् । यसले एमआरआई र एक्सरे नगरिकनै तपाईंको स्वास्थ्य समस्याका बारेमा बताइदिन्छ । १ तपाईंको कानेगुजीले गर्दा कान असाध्यै चिलाउँछ र तपाईं कान कन्याइरहनुहुन्छ भने तपाईंमा संक्रमण ...
काठमाडौं –छिट्टै उर्जा प्रदान गर्ने फलको रुपमा चिनिने केराले तपाईलाई स्वस्थ्य मात्रै राख्दैन, केही जटिल प्रकारका रोगबाट पनि बचाउँछ । पूर्ण रुपमा पाकेको केराले तपाईको शरीरलाई धेरै प्रकारका र...
स्वस्थ फ्याट, भिटामिन र मिनरलले भरिएको ओखर खाँदा मस्तिष्कको स्वास्थ्य राम्रो हुन्छ र स्मरणशक्ति पनि बढ्छ । त्यसबाहेक शरीरको समग्र स्वास्थ्यका लागि पनि यो लाभदायक छ । ओखरमा प्रोटीन, क्याल्सियम, म्याग्नेसियम, आइरन, फस्फो...
काठमाडौं- खान–पिनमा शौकीन व्यक्तिलाई कुनै विशेष खाद्य पदार्थको लाभ तथा हानीबारे जानकारी हुँदैन । उनीहरुलाई त्यो कुराले फरक पनि पर्दैन । किनकी त्यस्ता व्यक्तिलाई जुन खानेकुराको स्वाद मनपर्यो, त्यसलाई नखाइ ...
काठमाडौं- आलु भान्सामा अनिवार्य रुपमा पाइने परिकार हो । आलु, अन्य सागसव्जी, तरकारीमा मिसाएर मात्र नभइ तरकारी बनाएर उसीनेर तारेर आदी विभिन्न तरिकारले पकाउन सकिन्छ । विश्वभर नै आलुको बढी प्रयोग हुने ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...