कर्णालीमा थप १५ जनामा कोरोना संक्रमण पुष्टि

कर्णाली प्रदेशमा थप १५ जनामा कोरोना संक्रमण पुष्टि भएको छ । 

सामाजिक विकास मन्त्रालयको स्वास्थ्य महाशाखा प्रमुख डा. लक्ष्मीनारायण तिवारीले कोरोना पुष्टि हुनेमध्ये १० जना वीरेन्द्रनगर नगरपालिकाका १० जना रहेका बताए । संक्रमितमध्ये ३ महिला र ७ पुरुष रहेका छन् ।

सुर्खेतकै चौकुने गाउँपालिकाका ३ जनामा कोरोना देखिएको छ । २ महिला र १ पुरुषमा कोरोना पुष्टि भएको डा. तिवारीले बताए । ‘बझाङका एक पुरुषमा पनि कोरोना देखिएको छ भने १ जना महिला बोल्न नसक्ने भएका कारण उनको बारेमा धेरै जानकारी हुन सकेको छैन,’ उनले भने ।

मिडिया ब्रिफिङमा बोल्दै डा. तिवारीले कर्णालीभर ५५० शय्या क्षमताका आइसोलेसन रहेको र हाल ३८ जना आइसोलेसनमा रहेर उपचार गराइरहेका छन् । उपचार गराइरहेकाहरूको अवस्था सामान्य रहेको उनले बताए । उनका अनुसार कर्णालीमा ४० वटा आईसीयू शय्या, १७ वटा भेन्टिलेटर रहेका छन् ।