चीनले भारतसँगको सीमामा बढायो वायुसैन्य गतिविधि

भारत र चीनबीच लगभग एक महिनादेखि पूर्वी लद्दाख सीमामा तनाव जारी छ । त्यसको समाधानका लागि दुवै पक्षले शनिवार महत्त्वपूर्ण बैठक गर्ने भएका छन् । 

तर वार्ताअघि सीमामा सैन्य गतिविधि बढेका छन् । अक्साई चीन क्षेत्रमा चिनियाँ लडाकू विमानहरूको हलचल बढेको देखिन्छ । भारतीय वायुसेनाले त्यसमा नजर राख्दै गश्ती बढाएको छ । 


Advertisement

चीनको वायुसेनाले सीमानजिक युद्धअभ्यास गरिरहेको छ र उसको विमान सीमामा रहेको १० किलोमिटरको नो फ्लाई जोनमा आएको छैन । तर भारतीय वायुसेनाले त्यहाँ आफ्नो उपस्थिति बढाएको छ ।

लद्दाखमा भारतीय वायुसेना राम्रो स्थितिमा छ । श्रीनगर र चण्डीगढ एयरबेसबाट छोटो अवधिमै भारतइि वायुसेनाका लडाकू विमानहरू इन्धन र हतियार सहित उडान भर्न सक्छन् । चीनका एयरबेस चाहिँ निकै अग्लो ठाउँमा छन् । त्यसले गर्दा उसका विमानहरू बढी पेलोड र इन्धन लैजान असमर्थ छन् । 


Advertisement

भारतले अरुणाचल र सिक्किम सीमामा पनि सैन्य तैनाथी बढाएको छ । ती क्षेत्रमा चीनले सैनिकको संख्या बढाएको खबर आएपछि भारत सतर्क बनेको हो । 

नवभारत टाइम्सबाट

एजेन्सी
एजेन्सी

लेखकबाट थप...

कमेन्ट गर्नुहोस्