मानिस र बाख्राको रमाइलो संवाद (भिडियो)

मोरक्कोका एक किसानले घरपालुवा बाख्रोसँग रमाइलो कुराकानी गरेको भिडियो सार्वजनिक गरेका छन् । आफूहरूबीचको संवादको आफ्नै तौरतरिका रहेको उनी बताउँछन् । 
 

ओमार मुर्सो नामक ती किसानले सात महिनाको बाख्रो लिनोसँगको संवाद भिडियो रेकर्ड गरेका हुन् । 
 


Advertisement

ओमारले भिडियोमा अनौठो आवाज निकालेको र बाख्रोले बुझेर त्यस्तै जवाफ फर्काएको सुनिन्छ ।
 

मुर्सोले भने, ‘लिनो मैले पालेकोमध्ये सबभन्दा बाठो बाख्रो हो । धेरै मानिस उसको बुद्धिमत्ताबाट प्रभावित छन् । हामीबीच एक किसिमको सम्बन्ध छ र संवाद गर्ने आफ्नै तरिका छ ।’
 


Advertisement

अनुसन्धाताहरूले बाख्राहरू बुद्धिमान् र जिज्ञासु हुने र तिनको स्मरणशक्ति राम्रो हुने बताएका थिए । 

तिनीहरूले कुकुर वा घोडा जस्तै गरी मानिससँग भावनात्मक सम्बन्ध राख्ने बताइएको छ । 

बाख्राहरू आफ्ना मालिकलाई घुरेर हेर्दै संवाद गर्न सक्छन् । 

उदाहरणका लागि, उनीहरूको पहुँचबाट खानेकुरा टाढा हुनाले बाख्राहरू एउटै कोठामा रहेका खानेकुरा र मानिसलाई घरिघरि हेरिरहन्छन्, लन्डनको क्वीन मेरी विश्वविद्यालयका बायोलोजिस्टहरूले पत्ता लगाएका छन् । 
कुकुरले पनि यस्तै व्यवहार देखाउँछन् । 

एजेन्सी
एजेन्सी

लेखकबाट थप...

कमेन्ट गर्नुहोस्