धान दिवसका दिन असार १५ गते नवलपुरको गैँडाकोट नगरपालिका वडा नम्बर १२ हर्कपुरमा फरक दृष्य देखियो ।

श्री १००८ स्वामी ज्ञानानन्द सरस्वतीको विशेष उपस्थितिमा हर्कपुरमा संस्कृतका मन्त्रोच्चारणसहित धान रोपिँदै थियो ।

हरिहर संन्यास आश्रम देवघाटको स्वामित्वमा रहेको ४ बिघा जग्गामा विशेष कार्यक्रम गरी धान रोपिएको हो ।

हर्कपुरमा हरिहर संन्यास आश्रमको स्वामित्वमा रहेको कुल ६ बिघा जग्गामध्ये २ बिघामा तरकारी खेती रहेकाले बाँकीमा धान रोपिएको छ ।

हरिहर संन्यास आश्रमले हर्कपुरमा बर्सेनि यसैगरी धान रोपाइँ गर्दै आएको छ । त्यहाँबाट उत्पादित उपज आश्रमका लागि प्रयोग हुने गरेको छ ।

रोपाइँमा श्री १००८ स्वामी ज्ञानानन्द सरस्वतीका अलावा हरिहर संन्यास आश्रमका गुरूहरू, विद्यार्थी, शुभचिन्तक तथा स्थानीय गरी करीब २ सय जना सहभागी थिए ।

उक्त कार्यक्रममा स्वतस्फूर्तरूपमा बर्सेनि ठूलो उपस्थिति हुने गरेको छ ।

हेर्नुहोस्, भिडियो :