एक युवतीलाई जबरजस्ती करणी गरेको अभियोगमा पोखरामा अर्का एक जना भूपू भारतीय सैनिक पक्राउ परेका छन् । 

पक्राउ पर्नेमा पोखरा–१० अन्नपूर्ण टोल बस्ने भूपू भारतीय सैनिक ५५ वर्षीय हरिबहादुर गुरुङ हुन् ।

गत भदौ १२ गते राति साढे ८ बजे स्थानीय २३ वर्षीया महिलालाई डर, धाकधम्की देखाई जबरजस्ती करणी गरेको कसूरमा उजुरी परेपछि कास्की प्रहरीले पोखरा–१० बाट सोमवार उनलाई पक्राउ गरेको हो । 

गुरुङविरुद्ध करणीसम्बन्धी कसूरअन्तर्गत कास्की जिल्ला अदालतबाट १० दिन म्याद थपी आवश्यक अनुसन्धान प्रक्रिया अगाडि बढाइएको कास्की प्रहरी प्रवक्ता प्रहरी नायब उपरीक्षक सुवास हमालले जानकारी दिए । 

पोखरामा सोमवार मात्रै पोखरा–१० मिलन टोलका भूपू भारतीय सैनिक ५५ वर्षीय रेशबहादुर गुरुङ पनि ९ वर्षीया बालिकामाथि जबरजस्ती करणी अभियोगमा पक्राउ परेका छन् ।