कात्तिक २०, २०७४
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
यतिबेला जो कोही पेशाकर्मी र व्यवसायीलाई एउटै पिरलो छ – कोरोना भाइरस संक्रमणको महामारीसँगै लकडाउनले बर्बादै बनायो, कारोबारै ठप्प भयो, चौपटै भयो ।
तर यस्तो पनि व्यवसाय छ, जो सदावहार चलिरहेको छ । बरु कोरोना महामारीसँगै जारी लकडाउनले सो व्यवसायलाई प्रविधिमय बनाइदिएको छ । त्यो हो – लेहेङ्गा र चोलियाको कारोबार ।
कैलालीको गौरीगंगा नगरपालिका–८ लिक्मास्थित स्मार्ट ग्रूपका सञ्चालक सदस्य कालुराम चौधरी भन्छन्, ‘पहिले–पहिले व्यवसायमा प्रविधिको त्यति बढी प्रयोग थिएन । जब लकडाउन शुरू भयो, व्यापारको एक मात्रै सहारा प्रविधि बन्यो । हामीले प्रविधिको उच्चतम प्रयोग गरी प्रविधिलाई व्यवसायसँग जोड्यौं । फेसबूक पेजमा प्रचारप्रसार, विज्ञापन बढायौं र अर्डर हुन थाल्यो ।’
लेहेङ्गा र चोलिया थारु युवतीले प्रयोग गर्ने परम्परागत लोकप्रिय पहिरन हो । पछिल्लो समय लेहेङ्गा र चोलियाले फेसनकै रूप लिएपछि कारोबार पनि फस्टाएको छ । मेला, महोत्सव, उत्सवलगायत सबै औपचारिक तथा अनौपचारिक कार्यक्रममा थारु युवतीहरू लेहेङ्गा र चोलियाकै प्रयोग गर्न रुचाउँछन्, फलतः यसको कारोबार चम्केको छ ।
स्थानीय ७ जना युवाले गठन गरेको स्मार्ट ग्रूपको कारोबार पनि फस्टाएको छ । कालुराम भन्छन्, ‘हामीले ‘स्मार्ट बजार’ नाम दिएर फेसबूक पेज चलाएका छौं । जुन पेजबाट प्रवद्र्धनको काम गर्छाैं । अर्डर आएपछि होम डेलिभरी गर्छौं ।’
स्मार्ट ग्रूपले पछिल्लो ३ वर्षदेखि लेहेङ्गा लगायतको कारोबार गर्दै आएको छ । विभिन्न उद्यमी महिलाबाट लेहेङ्गा संकलन गरी बिक्रीवितरण गर्ने गरिएको छ । प्रतिलेहेङ्गा ३ हजार ५०० देखि ८ हजार रुपैयाँसम्ममा बिक्री गर्दै आएको ग्रूपले कञ्चनपुर, कैलाली, बर्दिया, बाँके र दाङ जिल्लासम्म होम डेलिभरीको काम गर्दै आएको कालुराम बताउँछन् ।
ग्रूपले व्यावसायिक रूपमा लेहेङ्गा संलकन गर्न थालेपछि ग्रूपसँग आवद्ध ८ जना महिलाले लेहेङ्गा मात्रै बनाउने गरेका छन् भने २ जनाले चोलिया मात्रै र ३ जनाले लेहेङ्गामा प्रयोग हुने फुलरा मात्रै बनाउने कार्य गर्दै आएको बताइएको छ । लेहेङ्गा संकलनको कार्य थालेपछि १३ जनाले लेहेङ्गा सिल्ने कार्यलाई आफ्नो पेशा नै बनाएको कालुराम बताउँछन् ।
उनले भने, ‘शुरूमा हामीले लेहेङ्गा सिल्ने महिलालाई खोज्यौं । उनीहरूलाई भन्यो – तपाईंहरू लेहेङ्गा सिल्नुस्, हामी तपाईंको लेहेङ्गा बिक्रीवितरण गरिदिन्छौं । अनि कामको शुरूआत गरेका हौं ।’
उनका अनुसार १ जना पेशेवर लेहेङ्गा सिल्नेले महिनामा ५० हजार रुपैयाँसम्म कमाइ गर्दै आएका छन् भने स्मार्ट ग्रूपले महिनामा १०० बढी लेहेङ्गा बिक्रीवितरण गरी महिनामा ५ लाख रुपैयाँभन्दा बढीको कारोबार गर्दै आएको छ ।
थारु सांस्कृतिक पहिरनको रूपमा रहेको लेहेङ्गालाई एक किसिमको हस्तकलाको रूपमा लिइन्छ । जसको लागि दक्षता पनि आवश्यक पर्ने बताइन्छ । एउटा सिंगो लेहेङ्गा बनाउन कपडाका विभिन्न टुक्रालाई जोड्नुका साथै विभिन्न कलात्मक फूलबुट्टाले सजाउनुपर्छ ।
लामो समयदेखि लेहेङ्गा सिलाइको काम गर्दै आएकी धनगढी उपमहानगरपालिका–८ बुद्ध चौककी सावित्री चौधरी भन्छिन्, ‘लेहेङ्गा बनाउनु पनि एक किसिमको कलात्मक सीप तथा हस्तकला नै हो । एउटा लेहेङ्गा तयार पार्न विभिन्न खण्ड–खण्डलाई जोड्नुपर्छ । लेहेङ्गाको माथिदेखि तलसम्म क्रमशः गुम्टी, नेफा, लेहेङ्गा, पट्टी, कचौटी, गोठ, पट्टी, जिभ्भा, छुट्की गोठलगायत भागलाई जोड्नुपर्छ । जसलाई थप आकर्षक बनाउन सितारा, ऐना, नुरी, फुलरा, मोती, पथ्थर लगायत टाँस्नुपर्ने हुन्छ ।’
चाडपर्व नजिकिएसँगै यसको कारोबार पनि बढेको छ । जुन कारण लेहेङ्गा सिल्नेहरूलाई भ्याइँ–नभ्याइँ छ । लामो समयदेखि धनगढीमा लेहेङ्गा सिल्दै आएका दम्पती सीता र विजय चौधरी भन्छन्, ‘सिजन शुरू भएको छ, आजभोलि लेहेङ्गा, चोलो, बिलाउज सिउनमै समय बित्छ । आजभोलि हामी नयाँ डिजाइन सिर्जना गरेर लेहेङ्गा सिल्ने काम गरिरहेका छौं ।’
पछिल्लो समय थारु समुदायमा मात्रै होइन, गैरथारु युवतीमा पनि लेहेङ्गा लगाउने ‘क्रेज’ बढेको छ । जसले गर्दा फेसनको बजारमा लेहेङ्गाले आफ्नो स्थान ओगट्न थालेको छ ।
कैलालीकी पत्रकार उन्नति चौधरी भन्छिन् ‘कुनै कार्यक्रम होस् वा चाडपर्वमा लेहेङ्गा लगाउनुको मज्जा नै फरक हुन्छ । लेहेङ्गा लगाउनु फेसन जस्तै भएको छ । जसले एकातिर सांस्कृतिक संरक्षण हुन्छ भने अर्कोतिर व्यावसायिकीकरण भइ रोजगारी सिर्जना हुनु नै सुन्दर पक्ष हो ।’
विश्वको उत्कृष्टमा सूचीकृत पोशाक ‘थारु लेहेङ्गा’
अधिकांश युवतीको रोजाइमा परेको लेहेङ्गा अन्तर्राष्ट्रिय स्तरमै राम्रो पोशाकको दर्जामा परेको छ । सन् २०१७ मा जेनेभा कन्फ्रेन्सबाट संसारको सबैभन्दा राम्रो पोशाकको उपाधिको रूपमा लेहेङ्गा परेको बताइएको छ ।
थारु कल्याणकारिणीसभा कैलालीका पूर्व अध्यक्ष प्रभातकुमार चौधरीले थारु लेहेङ्गा र चोलिया विश्व सूचीकृत पोशाक भएको बताउँछन् । उनी भन्छन्, ‘सन् २०१६ र २०१७ मा जेनेभा सम्मेलनमा नेपालबाट सहभागी भएका आदिवासीले थारु लेहङ्गबारे जानकारी दिँदै पोशाक प्रदर्शन गरेका थिए ।’
सम्मेलनमा थुप्रै देशका सहभागीका पोशाकमध्ये थारु लेहेङ्गा र चोलिया सबैभन्दा राम्रो रहेको र छनोट हुन पुगेको उनले बताए ।
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...