मंसिर १६, २०८०
नेकपा एमालेको समृद्धिको लागि संकल्प यात्रा अछामको मंगलसेन पुगेको छ । झुलाघाट-चिवाभञ्ज्याङ समृद्धिका लागि संकल्प यात्राअन्तर्गत एमालेको टोली शनिवार मंगलसेन पुगेको हो ।
कैलालीको जानकी गाउँपालिका–७ टिकलीगढका लोकुन डंगौरा थारुको जीवन ३३ वर्षसम्म अन्धकारमा बित्यो । जवानी छँदा सुखी जीवनको सपना बुन्दै ३३ वर्ष अगाडि डंगौरा रोजगारी खोज्दै भारतको सिमला गए नाबालक छोरासहित परिवार छाडेर ।
निरक्षरका साथै मानसिक बिरामी समेत रहेका उनी स्वदेश फर्किनै सकेनन् । भारतमै हराइरहे ।
यता परिवारजनको बिचल्ली भयो । नाबालक छोरा रामबहादुर चौधरीलाई छाडेर पत्नी पोइल गइन्, परिवारै उजाडियो ।
२९ वर्षको उमेरमा घरबाट निस्केका उनी हाल ६२ वर्षका भए । जीवनको लामो समय भौतारिएका उनी घर फर्किएका छन् । प्रहरीको सहयोगमा भदौ १७ गते उनी घर फर्किएका छन् ।
हाल उनका छोरा रामबहादुर ३८ वर्षका छन्, रामबहादुरका २ सन्तान छन् ।
बुवा र आमाको माया र ममताबाट वञ्चित भएका उनी सानैदेखि गोठाला बने । उमेर बढ्दै गएपछि जमिनदारको घरमा कमैया बसे । १८–१९ वर्ष कमैया बसेको बताउने रामबहादुर कमैया मुक्तिपछि जन्म स्थान टिकलीगढ फर्केको सुनाउँछन् । पछि टीकापुर नगरपालिका–१ शक्तिनगर मुक्तिकमैया शिविरमा पुनःस्थापना भएको बताउँदै बुवा बेपत्ता भएपछि जीवनको लामो समय निकै कष्टकर जीवन बिताएको रामबहादुर बताउँछन् तर बुवासँगको भेटपछि उनी निकै हर्षित भएका छन् ।
रामबहादुर भन्छन्, ‘अभिभावक नहुँदाको पीडा कति हुन्छ, मलाई थाहा छ । लामो समयपछि पनि हराइरहेका बुवा पाउँदा धैरै खुशी छु । मैले त आशा मारिसकेको थिए । आज हाम्रो पारिवारिक पुनर्मिलन भएको छ । यो पुनर्मिलन गराइदिएकोमा नेपाल प्रहरीप्रति आभारी छु ।’
प्रहरीको प्रयास
कामको सिलसिलामा भारतको सिमला गएदेखि बेपत्ता अवस्थामा रहेको भन्ने जानकारी प्राप्त भएपश्चात प्रहरी डंगौराको खोजीमा थियो । भदौ ९ गते प्रहरी परिसर टेकु काठमाडौंका प्रमुख प्रहरी वरिष्ठ उपरीक्षक अशोक सिंहले तालुक गृह मन्त्रालयबाट डंगौरा भारतको बिहारमा फेला परेको र निजले आफ्नो ठेगाना कैलाली जिल्ला रहेको पत्ता लगायो ।
तत्काल भारतीय पक्षसँग समन्वय गरी उद्दार गर्न प्रहरीले पहल थाल्यो । जिल्ला प्रहरी कार्यालय कैलालीका प्रमुख तथा प्रहरी उपरीक्षक विश्व अधिकारीले डंगौरालाई फेला पार्ने भारतको बिहार राज्यको गया जिल्ला बाराचट्टी बस्ने सन्दिप यादवमार्फत सम्पर्क गर्यो ।
प्रहरी उपरीक्षक अधिकारीले भने, ‘हालको अवस्थामा लोकुन डंगौरा थारु सबै कुरा स्मरण गर्न र अभिव्यक्त गर्न सक्ने अवस्थामा नरहे तापनि निजसँग भिडियो च्याटमा कुराकानी गर्दा निजले आफ्नो घर टीकापुरको मुनुवा आसपास भएको बताउनुभयो । यता निजको फोटोसहित गाउँघरमा निजको घर तथा आफन्तजन पत्ता लगाउन ईलाका प्रहरी कार्यालयबाट समेत प्रहरी परिचालन गरेका थियौं ।’
प्रहरी उपरीक्षक अधिकारीका अनुसार २५ अगस्त (भदौ ९ गते) गया जिल्ला बाराचट्टी बस्ने यादवले डंगौरालाई गयास्थित नेसनल हाईवेमा फेला पारेका थिए । पछि आफ्नो घरमा ल्याई सोधखोज गरी नेपालमा सम्पर्क गरेका थिए तर निज १० गते बिहान त्यहाँबाट निस्की हिँडेकोमा सन्दिप यादवले पुनः खोजतलास गरी आफ्नो घरमा राखेका थिए ।
यता जिल्ला प्रहरी कार्यालय कैलालीले डंगौराको घर, ठेगाना र आफन्तको यकिन गरेपछि भारतीय प्रहरी र सन्दिप यादवको सहयोगमा जिल्ला प्रहरी कार्यालय पर्सामा हस्तान्तरण गरिएको थियो । जिल्ला प्रहरी कार्यालय पर्सामा डंगौराका छोरा रामबहादुर तथा प्रहरीलाई पठाई कैलाली ल्याइएको छ ।
कैलाली प्रहरीले डंगौरालाई उनका छोरा रामबहादुर चौधरीको जिम्मा लगाइ पारिवारिक पुनर्मिलन गरिएको छ ।
घर फर्किएपछि डंगौरा निकै खुशी भएका छन् । मानसिक बिरामी र भौतारिँदै बेपत्ता भएका उनले जीवनको उत्तराद्र्धमा नयाँ जीवन पाएका छन् । जन्म दिने अभिभावक, ज्येष्ठ नागरिक भगवानकै रूप रहेको डंगौराका छोरा रामबहादुर चौधरीको सुखानुभूति छ ।
नेकपा एमालेको समृद्धिको लागि संकल्प यात्रा अछामको मंगलसेन पुगेको छ । झुलाघाट-चिवाभञ्ज्याङ समृद्धिका लागि संकल्प यात्राअन्तर्गत एमालेको टोली शनिवार मंगलसेन पुगेको हो ।
सत्ताको नेतृत्व गरेको नेपाल कम्युनिष्ट पार्टी (माओवादी केन्द्र)को विधान सम्मेलन मङ्गलबार राजधानीमा सुरु हुँदैछ । भोलि बिहान ११ बजे कमलादीस्थित नेपाल प्रज्ञा प्रतिष्ठानको प्रेक्षालयमा हुने सम्मेलनको सम्पूर्ण तयारी पूर...
कोका–कोला इन्डियाले आईसीसी मेन्स क्रिकेट वर्ल्डकप २०२३ मा एक विशेष पहलको शुरूवात गरेको छ । कोका–कोलाले अन्तर्राष्ट्रिय क्रिकेट काउन्सिल (आईसीसी)सँगको साझेदारीमा पूरै रिसाइकल गरिएको पेट बोतलहरू...
नेपाली वायुयान कम्पनीहरूलाई युरोपेली आकाशमा उडान अनुमति दिन युरोपियन युनियन (ईयू) सकारात्मक देखिएको छ । ईयूले बुधवार नेपाल नागरिक उडान प्राधिकरण (क्यान)लाई एक पत्र लेख्दै क्यानको नेतृत्वले यही गतिमा ...
नेपाली युवाहरूको संस्था निलुवा समाज पोर्चुगलको पहिलो वार्षिक भेला मंगलबार सम्पन्न भएको छ । रोजगारीको शिलशिलामा पोर्चुगललाई कर्मभूमि बनाएका बाग्लुङको गल्कोट नगरपालिका– ४ चमुवाका युवाहरूको उक्त भेलामा...
पृथ्वीराजमार्गअन्तर्गत तनहुँको म्याग्दे गाउँपालिका–३ धयरेमा भएको सवारी दुर्घटनामा बाबुको मृत्यु भएको छ भने छोरा घाइते भएका छन् । पोखराबाट दमौलीतर्फ आउँदै गरेको ग १ ख २९४१ नम्बरको माइक्रोले विपरित दिशा...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...