फागुन ५, २०८०
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
कैलालीको कैलारी गाउँपालिका–७ का वडाध्यक्ष ४४ वर्षीय कमलप्रसाद चौधरी केही वर्षयता व्यावसायिक रैथाने थारु आलु खेती र माछापालन व्यवसाय गर्दै आएका छन् ।
१० वर्षे सशस्त्र जनयुद्ध हुँदै अघिल्लो स्थानीय तह निर्वाचनमा वडाध्यक्षमा निर्वाचित भएयता उनी सक्रिय राजनीतिसँगै थारु आलु र माछापालनमा लागेका हुन् । जसबाट उनी राम्रो आम्दानी गर्न सफल भएका छन् ।
उनी भन्छन्, ‘म राजनीतिकर्मी हो । हामी जनताको स्वयंसेवक हो । साँझ–बिहान कृषि कर्ममा हुन्छु, दिनभर जनताको काममा । आर्थिक समृद्धिको लागि उत्पादन जरुरी छ ।’
तराईको थारु बस्तीमा उहिलेदेखि रैथाने थारु आलुको खेती हुन्छ । अन्य आलुभन्दा आकारमा सानो तर स्वादिष्ट हुनु थारु आलुको विशेषता हो । कुहिने गुण कम भएका कारण पनि यसको छुट्टै महत्त्व रहेको बताइन्छ तर सानो आकारमा फल्ने र उन्नत जातको आलुको तुलनामा कम फल्ने भएका कारण पछिल्लो समय रैथाने थारु आलुको खेती विस्थापन हुँदै आएको थियो ।
विस्थापित हुँदै आएको थारु आलुको संरक्षण तथा प्रबद्र्धन गर्ने उद्देश्यले वडाध्यक्ष चौधरीले व्यावसायिक रूपमा उत्पादन थालेका छन् । अन्य आलुको तुलनामा बजार मूल्य उच्च हुनु र बजार माग पनि उच्च भएपछि राम्रो कमाइ गर्दै आएको उनी सुनाउँछन् ।
पहिले परम्परागत रूपमा खेती गर्दै आएका उनी ४ वर्षयता व्यावसायिक रूपमा खेती गर्न थालेका छन् । १० कट्ठा जमिनमा थारु आलु खेती गर्दै आएका उनी वर्षमा प्रतिसिजन ४० क्वीन्टल बढी आलु उत्पादन गर्छन् भने डेढ लाख रुपैयाँसम्मको कारोबार गर्छन् ।
उनी मात्रै होइन, हाल ५० जनाभन्दा बढी किसानले १० विघा क्षेत्रफलमा व्यावसायिक थारु आलु खेती गर्दै आएका वडाध्यक्ष चौधरीले बताए । त्यसैलाई मध्यनजर गरी कैलारी गाउँपालिकाले ७ नम्बर वडालाई थारु आलु पकेट क्षेत्र नै बनाएको उनी बताउँछन् ।
पकेट क्षेत्रमा उत्पादित आलुबाट १ सिजनमा २० लाख रुपैयाँ बढीको कारोबार हुँदै आएको वडाध्यक्ष चौधरीले बताए ।
उनले भने, ‘व्यावसायिक आलु खेतीले स्थानीयको आर्थिक अवस्था सुधार मात्रै भएको छैन, हाम्रो पहिचानसँग जोडिएको आलुको संरक्षण र प्रबद्र्धन पनि भएको छ ।’
बेमौसमी वर्षाका कारण हाल आलु रोप्ने चटारो लागेको बताउँदै उनले थारु आलुको बिउ प्रतिकिलो ६३ रुपैयाँ र अन्य आलुको बिउ ४५ रुपैयाँमा बिक्री भइरहेको जानकारी दिए । स्थानीय किसानले थारु आलुसँगै कार्डिनल, टिपिएस, साठालगायत आलुको खेती गर्दै आएका छन् ।
राजनीतिक तनाव दूर गर्न माछापालन
कैलारी गाउँपालिकाका प्रवक्ता समेत रहेका वडाध्यक्ष चौधरीले व्यावसायिक आलु खेती मात्रै गरेका छैनन्, उनी व्यावसायिक माछापालन पनि गर्दै आएका छन् । जसबाट उनले मनग्ये फाइदा लिइरहेका छन् ।
आफ्नो १० कट्ठा जमिनलाई पोखरी बनाएर उनले २ वर्षदेखि माछापालन गर्दै आएका छन् । माछापालनले अर्थोपार्जनसँगै आफ्नो तनाव व्यवस्थापनको कार्य समेत गरेको उनी बताउँछन् ।
उनले भने, ‘दिनभर राजनीतिक गतिविधिमा सक्रिय हुन्छु । जनताको काममा हुन्छु । कहिलेकाहीँ निकै तनावमा हुन्छु । तनावमा भएको बेला माछापोखरीमा गएर एकोहोरो माछाहरू नियाल्छु । माछा खेलेको र रमाएको दृश्यले दिनभरको तनाव र थकान बिल्कुलै शान्त हुन्छ ।’
उनी १ सिजनमा २०–३५ क्वीन्टल माछा उत्पादन गर्दै आएका छन् । यसबाट करीब ७ लाख रुपैयाँसम्मको कारोबार हुँदै आएको उनी बताउँछन् ।
उनी अगाडि थप्छन्, ‘यहाँ राजनीतिलाई कमाइ गर्ने भाडो बनाइएको छ, पेशा बनाइएको छ, राजनीतिलाई नै विकृत बनाइएको छ । जसको सुधारको एउटै विकल्प हामीले उत्पादनमा जोड दिनुपर्छ । हामीले नै समाजमा गरेर देखाउने हो । अनि मात्रै परिवार, समाज र देश समृद्धिको दिशातिर जान्छ ।’
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...