राष्ट्र बैंकका गभर्नर महाप्रसाद अधिकारीलाई सरकारले निलम्बन गरेको विषयमा एमालेका उपमहासचिव विष्णु रिमालले ‘ढङ्ग मरु–कसो गरूँ !’ भन्दै कटाक्ष गरेका छन् । निरन्तर बिग्रिरहेको अर्थतन्त्रलाई ठीक बाटोमा ल्याउन सबैसँँग सहयोगको याचना गर्नुपर्ने बेला अर्थमन्त्री जनार्दन शर्माले लिएको निर्णय गलत भएको पनि उनको टिप्पणी छ । 

‘आफ्नो अक्षमता छोप्न अरूमाथि जाई लाग्नेलाई  हाम्रो तिर भन्थे–‘ढङ्ग मरु–कसो गरूँ!’, उनले सामाजिक सञ्जालमा कटाक्ष गरेका छन्, ‘निरन्तर बिग्रिरहेको अर्थतन्त्रलाई ठीक बाटोमा ल्याउन  सबैसँँग सहयोगको याचना गर्नुपर्ने बेला प्रिय अर्थमन्त्रीजी, अर्थकै ‘वैधानिक’ सल्लाहकार गभर्नरलाई  निलम्बन गरेर महान काम गर्नुभयो ।’ 

हिजो अस्ति करोड़को चर्चा हुनु  र अहिले गभर्नरलाई निलम्बन गर्नुले शंका जन्माएको उनको भनाइ छ । ‘स्याल कराउनु र  बाख्रा हराउनु” जस्तै हो त ?’, उनले प्रश्न गरेका छन् ।