नेकपा (एकीकृत समाजवादी) अध्यक्ष माधव नेपालले एमाले अध्यक्ष केपी शर्मा ओलीलाई गफाडीको संज्ञा दिएका छन् । 

शनिवार काठमाडौंमा आयोजित जनसभालाई सम्बोधन गर्दै उनले ओलीलाई गफाडीको भन्दै गफाडीहरूको काम नभएको बताएका हुन् । 

‘गफाडीहरूको काम छैन, गफाडीलाई गफ गर्न दिनुस्, अरूको अपमान गर्न दिनुस्, हामी काम गरेर देखाऔँ,’ उनले भने । 

यस्तै उनले नेकपा एमाले सानो गुटमा सीमित हुन पुगेको बताएका छन् । एमाले एउटा व्यक्तिको वर्चस्वमा चलिरहेको समूह भएको पनि उनले टिप्पणी गरे ।