थिमीको  बोडेमा  हुने  जिब्रो  छेडाउने  जात्रामा  यस  पटक  पनि  बोडेका  बुद्वकृष्ण  बागश्रेष्ठले  नै  जिब्रो  छेडाउने  भएका छन् ।  

उनले  निरन्तर  आठ  पटक जिब्रो छेडाएर जात्रामा सहभागिता जनाउँदै आएका छन् ।

चैत  मसान्तमा  बोडेको  महालक्ष्मी  स्थानमा  जात्राको  लिङ्गो  ठड्याएपछि  निराहार  रहेका  श्रेष्ठले  वैशाख  २  गते  जिब्रो  छेडाएर  चन्द्राकार  महाद्वीप  बोकी  बोडे  परिक्रमा  गर्ने  प्रचलन  छ  ।  

थिमी नगरपालिकाका अधिकृत धनकृष्ण श्रेष्ठका अनुसार थिमी नगरपालिकाले यो जात्रा सञ्चालन गर्न एक लाख २५ हजार रुपियाँ जात्रा सञ्चालन समितिलाई दिएको छ ।

बोडेको यो मौलिक जात्रा विश्व प्रसिद्व छ । रोजगारको सिलसिलामा बोडेभन्दा पर पुगेका छोरीचेली तथा बोडेवासी जात्रा मनाउन थिमी आउन थालेका छन् । गोरखापत्र दैनिकमा खबर छ ।