सुक्खा  बढ्दै  जाँदा  सर्लाहीको  चुरे  भेगका  विकट  बस्ती  खानेपानीको  अभावमा  काकाकुल  बनेका छन् ।

हिजोआज      चुरे      पाखोका      बस्तीमा   रहेका   अधिकांश   कुवा   र   इनार   सुकेका   छन्   ।  

खडेरी   लाग्ने   केही   महिना   जिल्लाको   चुरे   क्षेत्रमा   पर्ने  भालुखोप,  केराबारी,  बेल  डाँडा,  कालिञ्जोर,     परवानीपुर,     नारायण     खोला,  अत्रौली,  ढुङ्ग्रे  खोलालगायतका  क्षेत्रमा   बर्सेनि   खानेपानीको   समस्या   हुने  गरेको  छ  ।  

बढ्दो  वन  विनाश  र   उत्खननले   गर्दा   पछिल्ला   वर्षमा   खानेपानीका   स्रोतहरू   चाँडो   सुक्न   थालेको  जानकारहरू  बताउँछन्  ।  चुरे  क्षेत्रका  बासिन्दा  एक  गाग्री  खानेपानी  जोहो गर्न घण्टौँ धाएर छिमेकी गाउँसम्म पुग्न बाध्य भएका छन् ।

गाउँका  ४०/४५  घरधुरीका  लागि  एउटा  मात्रै  कुवा  रहेको  र  त्यस  कुवामा  रात  भरी  जम्मा  भएको  पानीले  दुई/चार  घरलाई  समेत  नपुग्ने  अवस्था  रहेको  हरिवन    नगरपालिका–१,    केराबारीकी    रश्मिला      जिम्बाले   बताए ।    

उनकाअनुसार    गाउँका    अधिकांशले    अहिले नजिकैको खोला, कुवा र छिमेकी गाउँबाट पानी ल्याएर खाइरहेका छन् ।

दूषित पानी पिउँदा स्थानीय बासिन्दा बर्सेनि   झाडा   पखालालगायत   अन्य   पानीजन्य  रोगको  सिकार  बन्दै  आएका  जिम्बाले     बताए ।   गोरखापत्र दैनिकमा खबर छ ।