सुन्दरहरैँचामा भेटिएको शंकास्पद वस्तु ‘होक्स’ मात्रै, कुकरमा पर्चा र ढुङ्गा भेटियो

मोरङको सुन्दरहरैँचा नगरपालिका ११ शुक्रबारेमा उम्मेदवारको घरनजिक आज (बिहीवार) बिहान भेटिएको शंकास्पद वस्तु ‘होक्स’ रहेको पुष्टि भएको छ ।

नेपाली सेनाको डिस्पोजल टोलीले गरेको अनुसन्धानमा 'होक्स' मात्र देखिएको जिल्ला प्रहरी कार्यालय मोरङका प्रहरी प्रमुख एसपी शान्तिराज कोइरालाले जानकारी दिए ।

एमालेबाट वडा सदस्यका उम्मेदवार जीवनाथ ढकालको घरनजिक मकैबारीमा टेपले बाँधेर राखेको र तार बाहिर निकालिएको अवस्थामा आज बिहान शंकास्पथ वस्तु  पाइएको थियो ।

शंकास्पद वस्तु भेटिएपछि सुरक्षाकर्मीले  गरेको अनुसन्धानपश्चात होक्समात्रै भएको पाइएको एसपी कोइरालाले जानकारी दिए । 

उनका अनुसार, कुकुरभित्र नेकपा माओवादी क्रान्तिकारी लेखिएको पर्चा र ढुंगा भेटिएको छ ।

‘निर्वाचनको मुखमा तर्साउन शंकास्पद वस्तु राखेको पाइयो,’ एसपी कोइरालले भने, ‘राख्ने मान्छेको खोजी कार्य भइरहेको छ ।’