प्रमुख निर्वाचन आयुक्त दिनेशकुमार थपलियाले हालसम्म कुनै पनि मतदान केन्द्रमा मतदान कार्य स्थगित नभएको बताएका छन् । 

शुक्रवार सामाजिक सञ्जाल ट्वीटरमा लेख्दै उनले सामान्य विवादका कारण मतदान रोकिएका ठाउँमा पनि सुचारु हुने क्रममा रहेका बताएका हुन् । 

‘अहिलेसम्म केही स्थानमा छिटफुट घटना बाहेक देशभर स्थानीय तह सदस्य निर्वाचनमा शान्तिपूर्ण तथा उत्साहपूर्वक रुपमा मतदान भइरहेको छ,’ उनले लेखेका छन्, ‘केही मतदान केन्द्रमा सामान्य विवादका कारण मतदान रोकिएर सूचारु हुने क्रम जारी छ ।  कुनै पनि मतदान केन्द्रमा मतदान कार्य हालसम्म स्थगित भएको छैन ।’

अहिलेसम्म केही स्थानमा छिटफुट घटना बाहेक देशभर स्थानीय तह सदस्य निर्वाचनमा शान्तिपूर्ण तथा उत्साहपूर्वक रुपमा मतदान भइरहेको छ । केही मतदान केन्द्रमा सामान्य विवादका कारण मतदान रोकिएर सूचारु हुनेक्रम जारी छ । कुनैपनि मतदान केन्द्रमा मतदान कार्य हालसम्म स्थगित भएको छैन् ।

— Dinesh Kumar Thapaliya (@DkThapaliya) May 13, 2022