स्थानीय तह निर्वाचनमा मतदानको समय सकिएको छ । बिहान ७ बजेदेखि शुरू भएको मतदान अपराह्न ५ बजेसम्मका लागि तोकिएको थियो । 

समय सकिए पनि मतदान गर्न लाइनमा बसेकाहरूले भने मत हाल्न पाउनेछन् । 

निर्वाचनका क्रममा आज देशभर ६७ ठाउँमा झडप भएको छ । निर्वाचन पुनःशुरू भएलगत्तै दोलखा, रामेछाप, रुकुमपश्चिम, धनुषा, पर्सा, डोल्पा, गोरखालगायतका जिल्लाहरूमा धेरै झडप भएका थिए । 

प्रहरीले घटना नियन्त्रण लिनका लागि देशभरमा १०० राउण्डभन्दा धेरै हवाई फायर गरेको थियो । सप्तरीका २ मतदान केन्द्रको मतदान प्रक्रिया स्थगित भएको छ । 

निर्वाचन आयोगले आज साँझबाट नै मतगणना गर्ने गरी तयारी थालेको छ ।