राष्ट्रिय सभामा पनि पेट्रोलियम पदार्थको मूल्यवृद्धिविरुद्ध जरुरी सार्वजनिक महत्त्वको प्रस्ताव दर्ता भएको छ । एमालेका सांसद देवेन्द्र दाहालले बुधवार राष्ट्रिय सभामा प्रस्ताव दर्ता गराएका हुन् । 

दाहालको प्रस्तावमा राष्ट्रिय सभा सदस्यहरू भैरवसुन्दर श्रेष्ठ, विमला घिमिरे, खीमलाल देवकोटा र शेखरकुमार सिंहले समर्थन गरेका छन् ।

पेट्रोलियम पदार्थको बिक्री मूल्य परल मूल्यबमोजिम १५ दिनमा एक पटक समायोजन गर्न सक्ने प्रावधानविरुद्ध गरिएको मूल्यवृद्धि फिर्ता गराउन, यसले दैनिक जनजीवनमा पार्ने असरबारे अर्थशास्त्रीय दृष्टिकोणबाट गरिएको बहुआयामिक प्रभावसहितको विश्लेषणात्मक प्रतिवेदन सरकारसँग माग गर्न र सरकारको स्पष्ट कार्ययोजना माग गर्न छलफल गर्नुपर्ने प्रस्तावमा उल्लेख छ ।