प्रतिनिधि सभाको बैठक आज पनि, यी ४ मन्त्रालयबारे छलफल हुने

प्रतिनिधि सभाको बैठक आज (बिहीवार) पनि बस्दैछ । 

बिहीवार बिहान ११ बजे बस्ने प्रतिनिधि सभा बैठकमा विनियोजन विधेयकमाथिको छलफल जारी रहने संघीय संसदको सचिवालयले जानकारी दिएको छ ।

आज प्रतिनिधि सभामा शिक्षा, विज्ञान तथा प्रविधि मन्त्रालय, खानेपानी मन्त्रालय, अर्थ मन्त्रालय र रक्षा मन्त्रालयको विभिन्न शीर्षकहरूमाथि छलफल हुने सम्भावित कार्यसूची तय भएको छ । 

यसअघि बुधवार पनि विभिन्न ४ वटा मन्त्रालयहरूको छलफल भएको थियो ।