नेकपा एमालेका नेता गोकुल बाँस्कोटाले सरकारले रातारात पेट्रोलियम पदार्थको भाउमा छलाङ मारेको भन्दै टिप्पणी गरेका छन् । 

आइतवार राति पेट्रोलियम पदार्थको मूल्यमा भारी वृद्धि भएपछि उनले यस्तो टिप्पणी गरेका हुन् । 

उनले लेखेका छन्,‘पम्फा–प्रभाकर विजुली युगले रातारात पेट्रोलियमको भाउमा छलाङ मारेछ ।’

उनले विगतमा मूल्यवृद्धि हुँदा आन्दोलन गर्ने विद्यार्थी नेताहरूमध्ये सत्ता गठबन्धन निकटकालाई खोज्नुपर्ने बेला आएको समेत टिप्पणी गरेका छन् । 

नेकपा एकीकृत समाजवादीका अध्यक्ष माधव नेपाललाई सम्बोधन गर्दै उनले लेखेका छन्,‘लौ न माधव कम्रेड, सुदेश पराजुली खोज्नुपर्‍यो ।’

पराजुली एकीकृत समाजवादी निकट विद्यार्थी संगठन अनेरास्ववियूका अध्यक्ष हुन् । 

युरोपको आर्थिक ईन्जिन जर्मनी कोइलायुगतिर फर्कन पर्ने अवस्थामा पुगेछ,फ्रान्समा म्याक्रोननको सत्ता गठबन्धनले बहुमत गुमाएछ र कोलम्वियामा दक्षिणपन्थी सत्ता गठबन्धन हारेछ।यता पम्फा-प्रभाकर विजुली युगले रातारात पेट्रोलियमको भाउमा छलांग मारेछ।लौ न!माधब कम्रेड,सुदेश पराजुली खोज्न परो।

— Gokul Prasad Baskota (@GokulPBaskota) June 20, 2022