नेपालका वामपन्थी शक्तिबीच एकताको पहल स्वरूप प्रभावशाली वामपन्थी नेता वामदेव गौतमले नेकपा एकता राष्ट्रिय अभियानको दोस्रो भेला बोलाएका छन् ।

वामपन्थी दलबीच एकताको पहलका लागि असार ११ गते गौतमले भेला बोलाएका हुन् । 

ललितपुरको धोबिघाटस्थित सिद्धार्थ कटेजमा शनिवार भेला आयोजना गरेका हुन् । तत्कालीन नेकपा विभाजनको बेला कुनै समूहमा सहभागी नभएका गौतमले ‘नेकपा एकता राष्ट्रिय अभियान’ घोषणा गरेका थिए ।

अहिले कुनै पनि दलमा आवद्ध नरहेका गौतमले वामपन्थी एकतामा जोड दिँदै आएका छन् । 

राष्ट्रियसभा सदस्य समेत रहेका गौतमले केही दिनअघि संसदमा सम्बोधनका क्रममा वामपन्थी एकताका लागि फेरि पहल गर्ने बताएका थिए ।