पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपाली कांग्रेसनिकट पत्रकारहरूको संगठन प्रेस युनियनमा आवद्ध पत्रकारहरूलाई चुनावको रन्कोले छोएको छ । आठ वर्षपछि हुन लागेको युनियनको नवौँ महाधिवेशनमा नेतृत्व हत्याउन कांग्रेसनिकट पत्रकारहरू चुनावी दौडमा होमिएका छन् ।
आगामी साउन ६ र ७ गते हेटौंडामा हुन लागेको महाधिवेशनमा उम्मेदवार बन्ने घोषणा गरेका धेरैजसो पत्रकारहरू पार्टी नेतृत्व र अन्य पत्रकारहरूसँग भेटघाटमा व्यस्त बनेका छन् ।
यो महाधिवेशनमा अनिता विन्दु, सरोज अधिकारी, शिव लम्साल, दीपक आचार्य, उमिद बागचन्दलगायतले अध्यक्ष पदमा उम्मेदवारी दिने घोषणा गरेका छन् । त्यसमध्ये विन्दु र अधिकारीले कांग्रेस संस्थापन पक्षबाट उम्मेदवार बन्ने लबिङ थालेका छन् भने आचार्य र लम्साल नेता शेखर कोइराला पक्षबाट उम्मेदवार बन्ने प्रयासमा छन् ।
वरिष्ठ उपाध्यक्ष पदमा निरज खतिवडा, लिलाराज खनाल, जगत साउदलगायतले उम्मेदवारी घोषणा गरेका छन् । त्यसमध्ये साउद संस्थापन पक्षबाट र बाँकी दुईजना कोइराला खेमाबाट उम्मेदवार बन्ने प्रयासमा छन् ।
त्यस्तै, सातवटै प्रदेशबाट उपाध्यक्ष पदमा उम्मेदवारी घोषणा गर्ने क्रम जारी छ । तर, युनियनको विधानको टुंगो नलागेकाले प्रदेश उपाध्यक्ष वा सिधैं उपाध्यक्ष पद राख्ने भन्नेमा छलफल जारी रहेको युनियनका एक नेताले बताए । ‘विधानको टुंगो लागेपछि प्रदेशबाट पनि भटाभट उम्मेदवारी घोषणा हुन्छ भन्ने अनुमान लगाउन सकिन्छ,’ उनले भने ।
अध्यक्ष पछिको शक्तिशाली पद महासचिवमा उम्मेदवारी घोषणा गर्नेको संख्या पनि धेरै छ । हालसम्म नकुल अर्याल, खिला कार्की, दीलिप पौडेल, रमेश वाग्ले, केशव साउद, शिवराज योगी, भीष्मराज ओझालगायतले उम्मेदवारी घोषणा गरेका छन् । त्यसमध्ये केशव साउद, भीष्म ओझा र शिवराज योगीमध्ये एकजना कांग्रेस संस्थापन पक्षको उम्मेदवार हुने संभावना रहेको छ । बाँकीले संस्थापन इतर पक्षबाट महासचिवको उम्मेदवार बन्ने प्रयत्न गरिरहेको बताइएको छ ।
त्यस्तै, उपमहासचिवमा हालसम्म भुवन शर्मा र युवराज गौतमले उम्मेदवारी दिने घोषणा गरेका छन् । त्यसमध्ये शर्मा संस्थापन पक्ष र गौतम कोइराला पक्षको उम्मेदवार बन्ने संभावना रहेको छ ।
सचिव पदका लागि खगेन्द्र भण्डारी, मेनुका ढुंगाना, राधा खनाल, माधव अर्याल, विजय रेग्मी, केशव बस्नेतलगायतले हालसम्म उम्मेदवारी घोषणा गरेका छन् । भण्डारी, ढुंगाना, खनाल र अर्याल संस्थापन पक्ष तथा रेग्मी र बस्नेत संस्थापनइतर पक्षबाट उम्मेदवार बन्ने चर्चा छ ।
कोषाध्यक्ष पदमा पदमराज जोशी, माधव धिताललगायतले उम्मेदवारी दिने चर्चा छ ।
हालसम्म विधानको टुंगो नलागेकाले कुन-कुन पद र कति संख्यामा रहन्छ भन्ने अन्योल रहेकाले अझै धेरैले उम्मेदवारी घोषणा नगरेको बताइएको छ । मुख्यत: उपाध्यक्ष र सचिव पदको विभाजन कसरी र कति संख्यामा हुने भन्ने टुंगो लागिनसकेकाले उम्मेदवारी घोषणामा पनि अन्योल देखिएको सचिव पदका आकांक्षी खगेन्द्र भण्डारीले बताए ।
युनियनको आठौँ महाधिवेशन २०७१ भदौमा भएको थियो । विधानअनुसार युनियनको कार्यकाल तीन वर्षको हुने भनिए पनि लामो समयदेखि महाधिवेशन हुन सकेको थिएन । २०७४ मै हुनुपर्ने नवाैँ महाधिवेशन समयावधि सकिएको पाँच वर्षपछि हुन लागेको हो ।
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
प्रकृतिको नियम के भने जति माथि पुग्यो उति झुक्नुपर्ने, गएको ठाउँ हेर्नैपर्ने, गएको ठाउँमा फर्कनै पर्ने । ठूलाठूला बोइङ्गहरू आकाशमा उड्छन्, बादलपारीको मुलुकमा पुग्छन्, समुद्रपारीको मुलुकसम्म पुग्छन् तर, पनि उनीहरू त्...
राणा शासनकालको प्रशासनिक व्यवस्थामा 'माथि' भन्नाले प्रधानमन्त्रीलाई बुझाउँदथ्यो । राजाको शासनकालमा दरबार वा राजालाई माथि भनिन्थ्यो । कर्मचारीले इमान्दारिता छाडेमा वा अनैतिक काम गरेमा कुरा माथि पुग्दथ्यो ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...