राप्रपा नेपालले पुन मेची महाकाली स्वाभिमान यात्रा गर्ने

पूर्ण धार्मिक स्वतन्त्रतासहितको हिन्दू राष्ट्र पुनर्स्थापनाको माग गर्दै राष्ट्रिय प्रजातन्त्र पार्टी नेपालले मेची-महाकाली स्वाभिमान यात्रा गर्ने निर्णय गरेको छ । मंगलवार सम्पन्न केन्द्रीय समिति बैठकले भदौको अन्तिम हप्तादेखि मेची-महाकाली राष्ट्रिय स्वाभिमान यात्रा गर्ने निर्णय गरेको हो । 

केन्द्रीय समिति बैठकको निर्णय जानकारी दिन आयोजित पत्रकार सम्मेलनमा राप्रपा नेपालका अध्यक्ष कमल थापाले मुलुकमा अस्वाभाविक ढंगले महँगी बढेकोमा चिन्ता व्यक्त गरे । उनले बढ्दो भ्रष्टाचारप्रति चिन्ता व्यक्त गर्दै उपयुक्त कदम चाल्न अख्तियार दुरुपयोग अनुसन्धान आयोगलगायतका निकायसँग माग गरे । राप्रपा नेपालले सबै सार्वजनिक निकायमा बसेका व्यक्तिको सम्पत्ति छानबिन गर्न  आयोग गठन गर्न माग गरेको छ ।