नेकपा एमालेका नेता तथा पूर्व मन्त्री गोकुल बाँस्कोटाले राष्ट्रपति विद्यादेवी भण्डारीले राजीनामा नदिने संकेत गरेका छन् ।

बिहीवार बिहान सामाजिक सञ्जाल फेसबूकमा लेख्दै नेता बाँस्कोटाले संसारका राष्ट्रपति देश हितका लागि लडेको इतिहास रहेको र भागेको इतिहास नभएको स्मरण गराएका छन् ।

उनले लेखेका छन्, ‘राष्ट्रपतिको राजीनामाको होहल्ला परमादेशीले चाहेको कि दिए कति सजिलो हुन्थ्यो भन्ठानेको ? नागरिकता हाम्रा नागरिकको नैसर्गीक हक हो, फूटपाथमा बेच्न राखेको ललीपप होइन । सत्तापक्ष राष्ट्रिय सभाबाट सही सहमतिमा पुग्न तयार भए भैगो नि । संसारका राष्ट्रपति देश हितका लागि लडेको इतिहास छ, भागेको छैन ।’