चाडपर्वको मौसममा अधिकांश महिलाले कपालको स्टाइलिङका लागि कपालमा तातो (आइरन) लगाउने गर्छन् । यति मात्र होइन, कपाल स्टाइलिस बनाउन महिलाहरू घण्टौँसम्म पार्लरमा जान्छन्, जहाँ स्टाइलका लागि विभिन्न केमिकल पनि प्रयोग गरिन्छ । उक्त केमिकलका कारण दुई दिनपछि कपाल सुख्खा र निर्जीव हुन्छ । यस्तो अवस्थामा धेरै पटक स्टाइलिङ गर्ने र केमिकल उत्पादन वा तताउने उपकरणको प्रयोग गरिएमा कपाललाई स्थायी रूपमा क्षति पुग्न सक्छ । यदि कपाललाई उचित हेरचाह गर्ने हो भने फेरि चम्किलो र नरम बनाउन सकिन्छ । स्टाइल गरेपछि कपालको हेरचाह कसरी गर्ने ? केही उपायहरू थाहा पाउनुहोस् ।

केमिकल फ्री स्याम्पुको प्रयोग 

जहिले पनि कपालमा हेयर स्टाइलिङ गरेपछि कपाललाई राम्ररी स्याम्पु गर्नु अति आवश्यक हुन्छ । वास्तवमा, कपाल स्टाइल गर्दा धेरै रासायनिक उत्पादनहरू प्रयोग गरिन्छ । यदि यी रसायन कपालमा रह्यो भने यसले कपाललाई धेरै नोक्सान पुर्‍याउन सक्छ । दोस्रो दिनमा नै ‘माइल्ड स्याम्पु’ले कपाल सफा गर्नु राम्रो हुन्छ ।

तेल मालिस 

कपाल स्टाइल गरेपछि कपालमा पोषण र कोमलता ल्याउन कपालमा तेलको मसाज धेरै महत्वपूर्ण हुन्छ । कपालमा तेल लगाउनाले कपाल ‘हाइड्रेटेड’ रहन्छ र बलियो पनि रहन्छ । नरिवलको तेललाई हल्का न्यानो पार्नुहोस् र त्यसपछि हल्का हातले कपालको ‘स्क्याल्प’मा मालिस गर्नुहोस् ।

प्राकृतिक तरिकाले कपाल सुकाउने  

ड्राई हेयर स्टाइल गरेपछि कपाल धेरै सुख्खा र कमजोर हुन्छ । जसका कारण सजिलै भाँचिन्छन् । यसका लागि कपाल स्टाइल गरिसकेपछि कपाललाई प्राकृतिक रूपमा सुकाउन दिनुहोस् । कपाल धोएपछि कहिल्यै ड्रायर प्रयोग नगर्नुहोस् । 

घरेलु कपाल मास्ककाे प्रयोग 

जब कपालमा केमिकल र तताउने हुन्छ, त्यसपछि भोलिपल्ट कपाल धुनुहोस् र कपालमा मास्क लगाउनुहोस् । घरमै हेयर मास्क बनाउनु राम्रो हुन्छ, यसो गर्नाले कपालको चमक फिर्ता आउँछ र बलियो हुन्छ ।

कपासको सट्टा साटन वा रेशमको प्रयोग 

कपालको स्टाइल गर्दा कपाल कमजोर हुन्छ । यस्तो अवस्थामा कपासको तकिया कभरको सट्टा साटन वा रेशम प्रयोग गर्नुहोस् । यसो गर्दा कपाल फुट्दैन ।