अभिनेता राजेश हमालले प्रदर्शनरत फिल्म ‘महापुरुष’ हेरेका छन् ।

सोमवार साँझ राजधानीको ‘दरबार सिनेम्याक्स’ पुगेर ‘महापुरुष’ हेरेका हमालले आफूलाई फिल्म अत्यन्तै मन परेको बताए । 

उनले फिल्मको कथावस्तु, कलाकारहरुको अभिनयको खुलेर प्रशंशा गरे ।

‘कथावस्तुले दर्शकलाई बाँधेर राख्छ । हरिवंशजीको त के भनौं, सबै कलाकारहरुको अभिनय असाध्यै राम्रो लाग्यो,’ उनले भने,‘इन्टरटेनिङ मात्र नभई कहीँ न कहीँ दर्शकले आफ्नो जीवनसँग रिलेट पनि गर्छ । अत्यन्त रिलेटेवल कथावस्तु छ । हरेक उमेरको दर्शकलाई यसले कहीँ न कहीँ ओगटछ ।’ 

फिल्मले नेपालबाट ७ करोड रुपैयाँ बढी कलेक्सन गरिसकेको छ । 

प्रदीप भट्टराईको लेखन एवं निर्देशन रहेको फिल्ममा हरिवंशसँगै गौरी मल्ल, अरुण क्षेत्री, रबिन्द्र सिंह बानियाँ, अञ्जना बराईली, राजाराम पौडेल लगायतको अभिनय छ ।

म्याक्स दिपेश खत्री निर्माता रहेको फिल्मको कार्यकारी निर्माता रबिन्द्र सिंह बानियाँ हुन् ।