सलमान खानले आफ्नो बर्थडे पार्टीमा पूर्वप्रेमिकालाई गरे चुम्बन, सामाजिक सञ्जालमा भिडियो भाइरल

बलिउड अभिनेता सलमान खान आज २७ डिसेम्बरमा आफ्नो ५७औँ जन्मदिन मनाउँदैछन् । यस विशेष अवसरमा सोमवार राति बहिनी अर्पिता खान शर्माले आफ्नो भाइको लागि मुम्बईको घरमा भव्य पार्टी आयोजना गरिन् ।

‘भाइजान’को परिवारले आयोजना गरेको बर्थडे पार्टीमा सलमान खान कडा सुरक्षाका साथ पुगेका थिए । पार्टीमा राहुल कनाल आफ्नी पत्नी, तब्बु, अरबाज खान, सोहेल खान, सोनाक्षी सिन्हा, जेनेलिया–रितेश देशमुख, कृतिका खरबन्द र पुलकित शर्मा, कार्तिक आर्यनलगायतका साथमा देखिए ।

बलिउड बादशाह शाहरुख खान पनि सलमानलाई उनको जन्मदिनमा सरप्राइज गर्न पुगेका थिए, जहाँ दुवैबीच अचम्मको ‘बन्डिङ’ देखिएको थियो । सोही क्रममा सलमान खानले मिडियासँग पनि केक काटे । त्यस अवसरमा सबैभन्दा बढी दबंग खानकी पूर्वप्रेमिका संगीता बिजलानीले सबैको ध्यान तानेको थियो ।

सलमान खानले संगीतालाई गरे चुम्बन 

सलमान खानको नयाँ भिडियो भाइरल भइरहेको छ, जुन एक फेसबुक पेजबाट शेयर गरिएको छ । यो भिडियोमा सलमान संगीता बिजलानीसँग उभिएको देख्न सकिन्छ । कालो जिन्स र स्वेटरमा सजिएका सलमान भिडियोमा स्मार्ट देखिन्छन् । संगीता पनि निलो शिमर ड्रेसमा निकै सुन्दर देखिएकी छन् ।

क्लिपमा, सलमानले पहिले संगीता बिजलानीलाई अँगालो हाल्छन् र त्यसपछि उनको निधारमा चुम्बन गर्छन् । यहाँ यी तस्विरहरू सार्वजनिक भएपछि एकपटक फेरि दुवैको डेटिङको अड्कलबाजी शुरू भएको छ । 

 

 

 

 

View this post on Instagram

 

 

 

 

 

 

 

 

 

 

 

A post shared by Voompla (@voompla)

संगीता बिजलानीलाई सलमानको माया र हेरचाह देखेर फ्यानहरूले यो भिडियोमा कमेन्ट पनि गरिरहेका छन् ।

सलमान खानको भिडियोमा प्रयोगकर्ताको प्रतिक्रिया

संगीता बिजलानीलाई सलमानको माया र हेरचाह देखेर फ्यानहरूले यो भिडियोमा कमेन्ट पनि गरिरहेका छन् । नीरज नामका एक प्रयोगकर्ताले लेखेका छन्, ‘पहिलो प्रेम सधैं पहिलो हुन्छ । सौरभ नामका एक प्रयोगकर्ताले लेखेका छन् कि सलमान आफ्नो जीवनमा आउने सबैलाई सम्मान गर्छन् । 

कुनै समय सलमान खान र संगीता एक अर्कालाई डेट गर्थे । तर, धेरै वर्ष टिकेपछि यो सम्बन्ध टुट्यो । रिपोर्टका अनुसार दुवैको विवाहको कार्ड पनि छापिएको थियो तर केही कारणले यो सम्बन्ध अगाडि बढ्न सकेन ।