आफ्नो इच्छाअनुसार रोजेको ठाउँमा सरुवा भएर जान निवेदन दिन माग

सर्वोच्च अदालतले दुई वर्ष समयावधि पुगेका कर्मचारीसँग सरुवाका लागि आवेदन माग गरेको छ । सर्वोच्चको प्रशासन शाखाले बुधबार एक सूचनामार्फत दुई वर्ष समयावधि पुगेका कर्मचारीसँग आफू सरुवा हुन चाहेको अदालत–निकाय स्पष्ट खुवाइ सात दिनभित्र निवेदन पेस गर्न अनुरोध गरेको हो । 

‘यस अदालतमा कार्यरत २ (दुई) वर्ष समयावधि पुगेका राजपत्रांकित कर्मचारीहरुले आफू सरुवा हुन चाहेको अदालत÷निकाय स्पष्ट खुलाइ ७.(सात) दिनभित्र यस अदालतको प्रशासन शाखामा निवेदन पेस गर्नहुन आदेशानुसार अनुरोध गर्दछु’, सूचनामा भनिएको छ । 

बिहीबार नै सर्वोच्चका शाखा अधिकृत राजकुमार गुरुङको हस्ताक्षरमा मातहतका अदालतसँग पनि विवरण माग गरिएको छ । दुई वर्षमाथि काम गरिसकेका कर्मचारीले सरुवा हुन चाहेको ठाउँको विवरण खुलाइ ७ दिनभित्र उपलब्ध गराइदिन गुरुङले आग्रह गरेका हुन् ।