राष्ट्रपतिको उम्मेदवारलाई लिएर दलहरू छलफलमा रहेका बेला नेकपा एकीकृत समाजवादीका नेताहरू कांग्रेस सभापति शेरबहादुर देउवाको निवास पुगेका छन् ।

नेकपा एसका अध्यक्ष माधव नेपाल, महासचिव बेदुराम भुसालसहित नेताहरू बुधबार अपराह्न देउवा निवास धुम्बाराही पुगेका हुन् ।

राष्ट्रपति निर्वाचनलगायत समसामयिक विषयमा कांग्रेससँग छलफल गर्न लागिएको नेकपा एसका एक नेताले जानकारी दिए ।

दिउँसो मात्र नेकपा एसको सचिवालय बैठक बसेको थियो ।

फागुन २५ गते हुने राष्ट्रपति निर्वाचनका लागि फागुन १३ गते उम्मेदवार मनोनयन हुँदैछ । नेपाली कांग्रेसले माओवादी केन्द्रसँग पनि समानान्तर छलफल गरिरहेको छ ।