चलचित्र ‘जुलेबी’को पहिलो लुक सार्वजनिक

चलचित्र ‘जुलेबी’को पहिलो लुक सार्वजनिक गरिएको छ । चलचित्रमा सुरक्षा पन्त, उषा रजक, निशा अधिकारी र मोनिका थापा मुख्य भूमिकामा छन् भने सुशील सिटौला, पुष्कर कार्की, तुफान थापा लगायतका कलाकारको समेत अभिनय रहेको छ ।

फोर क्युब इन्टरटेन्मेन्टको ब्यानरमा बनेको यो चलचित्रमा चार नारी पात्रको कथा समेटिएको छ ।

चलचित्रलाई निर्देशक गणेश देव पाण्डेले निर्देशन गरेका हुन् । उनले यस अघि मञ्जरी, गाजा बाँजा जस्ता चलचित्र निर्देशन गरिसकेका छन् ।

एथोलजी विधामा रहेको यस चलचित्रमा नारी पात्रको सशक्त र अब्बल अभिनय रहेको छ ।

चलचित्रलाई आभा शर्मा नेपालले निर्माण गरेकी हुन् ।