कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
चैत १५, २०७९
मंगलवार दिउँसो बानेश्वरस्थित एभरेस्ट होटलअगाडि पुग्दा एक हुल महिला पुरुष सडकमा पलेटी कसेर बसेका थिए ।
महोत्तरीको बर्दिबासबाट हेटौंडा हुँदै पैदलै काठमाडौं आएका उनीहरू मिटरब्याजीबाट पीडित सर्वसाधारण हुन् ।
खुलामञ्चभित्र बस्ने उनीहरूको तयारी थियो, तर आइपुग्दा नपुग्दै गेटमा भोटेताल्चा लगाइयो अनि सुरक्षाकर्मीहरू लौरो लिएर बसे । खुलामञ्चमा बस्न नपाएपछि संसद् भवन बानेश्वरतिर अगाडि बढेका उनीहरू एभरेस्ट होटलनजिक पुग्दा काँडेतारको बार खडा भइसकेको थियो ।
९२ जनाको समूहमा रहेका उनीहरू महिलापुरुष बराबरीजस्तै छन् । महिलाहरूले एक हातले काखे बालक च्यापेका थिए भने अर्को हातमा विरोधका प्लेकार्ड बोकेका थिए। भोकैप्यासै हिँडेकोले होला उनीहरूको अनुहार थकित अनि पैँताला फुटेका देखिन्थ्यो ।
त्यतिकैमा मेरो नजर एक पुरुषमा पर्यो । खैरो टिशर्ट लगाएका ती पुरुषलाई काठमाडौंसम्म आउनुको कारणबारे सोध्दा डाँको छाडेर रुन थाले ।
नाम श्याम विश्वकर्मा, घर लहान- ७ सिरहा ।
विश्वकर्माले रुँदै भने, 'साहुले मलाई सधैं घर खाली गर भनेर धम्की दिन्छ । सबै सम्पति साहुलाई ऋण तिरेर सिद्धियो। म अहिले भाडाको घरमा बस्छु। साहुले घरबेटीलाई समेत टर्चर दिन्छ, यिनीहरूलाई भाडामा किन राखेको भनेर ।'
उनले थपे, 'मेरो आर्थिक अवस्था यति कमजोर छ कि मेरो छोराहरू होटलमा भाँडा माझ्छन्। उनीहरूले पढ्न सकेनन्, ऋणले गर्दा । मेरो श्रीमतीलाई धेरै टेन्सन भएर प्यरालाइसिस भयो। उनी अहिले ओछ्यानमा छिन्।'
उनी डाँको छाडेर रुन थालेपछि अन्य मिडियाका बुम पनि उनीतिर तेर्सिए ।
उनका दाजुले करीब ७ वर्षअगाडि पसल खोल्न सोही वडाका साहु रामबाबु महतोसँग ५ लाख रुपैयाँ ऋण लिएका रहेछन्, तर दाजु अचानक उठ्नै नसक्नेगरी मिर्गौला रोगले थला परे ।
त्यसपछि उनले दाजुको उपचार गर्न भनी उनै साहुसँग १० लाख रुपैयाँ ऋण थपे। दाजुको उपचारमा सबै रकम खर्च भएको उनी बताउँछन् । त्यसयता पटक-पटक गरी २६ लाख रुपैयाँ साहुलाई बुझाइसकेको उनको दाबी छ ।
'अब हामी मर्नै परे काठमाडौंमा नै मर्ने हो, गाउँमा मर्दैनौं । जबसम्म सरकारले न्याय दिँदैन, तबसम्म हामी गाउँ फर्कंदैनौं,' विश्वकर्माले रुँदै भने, 'बर्दिबासबाट धेरै कष्टले हिँडेर पहाडको बाटो चढ्दै आयौं । धेरै गाह्रो भयो। बाटोमा ज्वरो आयो । सर्दी लाग्यो। तर, पनि पैसाको पीडाअगाडि यो पीडा केही हैन ।'
गोलबजार- ५ सिरहाकी सञ्जलाकुमारी सिंहले स्थानीय सम्रिकादेवी महतोसँग २ वर्षअगाडि ५० हजार ऋण मागेकी रहिछन् । शुरूमै ब्याजको ५ हजार कटाएर उनको हातमा ४५ हजार मात्र पर्यो ।
त्यसको २ महिनापछि ८० हजार ऋण थपेकी सिंह किस्ता–किस्तामा (६० हजार, ४५ हजार, १० हजार र ५ हजार) गरी १ लाख २० हजार तिरिसकेको बताउँछिन् । र, उनले अझै ८ लाख २५ हजार तिर्न बाँकी रहेको भन्दै मुद्दा चलाइएको छ ।
'साहुले झुक्याएर ८ लाख २५ हजारको कागज बनाइदिएछ', उनले भनिन्, 'अहिले मलाई साहुले अदालतमा ८ लाख २५ हजारको मुद्दा लगाएको छ । त्यसैले न्यायका लागि काठमाडौं आएको हुँ ।'
सिराहाकै पवित्रीदेवी सिंहले विमलादेवी शर्मासँग २ लाख रुपैयाँ ऋण लिएकी थिइन्। तर झुक्याएर २८ लाखको कागज बनाइदिएको उनको आरोप छ।
विमलालाई पटक-पटक गरी करीब ५ लाख रुपैयाँ तिरिसकेको पवित्रा बताउँछिन् ।
बाँकी भिडियोमा :
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...