कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
नेपालीलाई नक्कली भुटानी शरणार्थी बनाएर अमेरिका लैजाने धन्दामा संलग्न रहेको आरोप लागेका पूर्व उपप्रधानमन्त्री एवं एमाले सचिव टोपबहादुर रायमाझी अहिले कहाँ छन् भन्ने कुरामा सर्वत्र चासो छ ।
बुधवार नै पक्राउ पुर्जी जारी भए पनि अहिलेसम्म पक्राउको औपचारिक जानकारी आएको छैन । प्रहरी अधिकारीहरू आफूहरूले रायमाझीलाई खोजिरहेको र अहिलेसम्म पक्राउ नपरेको बताउँछन् ।
बुधवार पक्राउ पुर्जी जारी भएपछि रायमाझीले आईजीपी वसन्त कुँवरलाई फोन गरेर 'आफैं हाजिर हुन्छु' भनेको कुरा सार्वजनिक भएको थियो ।
अहिलेसम्म रायमाझी आफूहरूको सम्पर्कमा नआएको जिल्ला प्रहरी परिसर काठमाडौंका प्रमुख वरिष्ठ प्रहरी उपरीक्षक (एसएसपी) दानबहादुर कार्कीले लोकान्तरलाई जानकारी दिए ।
‘काठमाडौं परिसरलाई उहाँले कुनै जानकारी गराउनुभएको छैन । उहाँ सांसद हो । कानून बनाउने व्यक्तिले कानूनका कुरा बुझ्नुपर्ने हो,’ एसएसपी कार्कीले भने ।
उनका अनुसार रायमाझी बिहीवार भैरहवाबाट काठमाडौं आएको भनेर सूचना आए पनि उनको गाडी मात्र आएको थियो । बिहान ६ बजे भैरहवाबाट काठमाडौंका लागि छुटेको गाडी बेलुका अबेर काठमाडौं आइपुगेको थियो ।
गाडीमा रायमाझी समेत भएको आशंकामा प्रहरीले निगरानीमा राखे पनि एक जना सहयोगी मात्र आएको पाइएको प्रहरी स्रोतले बतायो ।
एसएसपी कार्कीले रायमाझी अझै सम्पर्कबाहिर रहेको बताए ।
‘हामीले खोजी गरिरहेका छौं । उहाँ (टोपबहादुर रायमाझी)को फोन मंगलवार बेलुकादेखि नै अफ छ,’ उनले भने ।
रायमाझी अर्घाखाँचीको महेन्द्र विद्योदय माध्यमिक विद्यालयको हिरक जयन्ती समारोहमा सभामुख देवराज घिमिरेसँगै सहभागी भएका थिए ।
त्यहाँबाट बुटवल झरेका रायमाझीले भैरहवा विमानस्थलबाट काठमाडौं आउन टिकट समेत काटेका थिए । तर, त्यो टिकट रद्द गरेर रायमाझी उतै बसेकोसम्म सूचना आफूहरूलाई रहेको प्रहरी स्रोत बताउँछ ।
टोपबहादुरका छोरा सन्दीप रायमाझीलाई भने रुपन्देही प्रहरीले बुधवार नै पक्राउ गरेर काठमाडौं पठाइसकेको छ ।
एमाले अध्यक्ष केपी शर्मा ओलीले प्रधानमन्त्री पुष्पकमल दाहाल ‘प्रचण्ड’लाई भेटेर रायमाझीबारे चासो व्यक्त गरिसकेका छन् । एमालेलाई मात्र जोडेर फसाउन खोजिएको हो कि भन्ने उनको आशंका छ ।
‘तानिएको हो कि तनाइएको हो भन्ने विषयमा अध्ययन गर्दैछौं । त्यसपछि मात्रै हामी निष्कर्षमा पुग्छौं,’ पूर्व प्रधानमन्त्री समेत रहेका ओलीले भनेका थिए ।
ओलीले अगाडि भने, ‘निर्दोष पर्नु हुँदैन, दोषी उम्कनु पनि हुँदैन । दोषी उम्काउने हाम्रो प्रयास होइन, तर निर्दोषलाई फसाउन खोजियो भने छाड्दैनौं ।’
प्रहरीले अहिलेसम्म गिरोहका नाइकेहरू केशव दुलाल, सानु भण्डारी, सागर थुलुङ राई, टंक गुरुङ, सन्देश शर्मा पोखरेल, टेकनारायण पाण्डे, इन्द्रजित राई र सन्दीप रायमाझीलाई पक्राउ गरिसकेको छ ।
प्रहरीका अनुसार अहिलेसम्म १५४ जनाबाट २० वटा जाहेरी परेको छ । थप केही सम्पर्कमा आउने क्रममा रहेकाले यो संख्या बढ्ने अपराध अनुसन्धान कार्यालय काठमाडौंका प्रमुख एसएसपी डा. मनोज केसीले बताए ।
एक जनाबाट ४५ लाखसम्म ठगी गरेको पाइएको प्रहरीले जनाएको छ ।
एसएसपी केसीका अनुसार अहिलेसम्म २३ करोड रुपैयाँ ठगिएको भन्दै जाहेरी आएको छ । अन्य जाहेरी पनि थपिन सक्ने भएकाले यो रकम बढ्न सक्ने देखिन्छ ।
‘अहिलेसम्मका जाहेरी र प्रमाणका आधारमा २३ करोडभन्दा धेरै कारोबार भएको देखिएको छ,’ डा. केसीले भने, ‘हाम्रो अनुमान ३४ करोडभन्दा धेरै कारोबार भएको भन्ने छ ।’
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...