मंसिर २०, २०८०
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
जेठ ७, २०८०
नक्कली शरणार्थी प्रकरणका मुख्य राजनीतिक बिचौलिया बेचन झाबारे खुलासा भएपछि उच्चपदस्थ राजनीतिक व्यक्तित्वहरू समेत तानिन सक्ने देखिएको छ ।
उच्च स्रोतका अनुसार झा तिनै व्यक्ति हुन्, जसले तत्कालीन प्रधानमन्त्रीपत्नी आरजु राणा देउवासहित कांग्रेस-एमालेका शीर्षस्थ नेताहरूसँग सेटिङ मिलाउने काम गरेका थिए ।
ठूला नेताहरूको 'किचन र बेडसम्मै पहुँच' राख्ने झाको नाममा काटिएको २ करोड रुपैयाँको चेक समेत फेला परेको छ ।
नक्कली शरणार्थी गिरोहका सदस्य रामशरण केसीले झाको नाममा काटेको २ करोड रुपैयाँको चेक लोकान्तरले सार्वजनिक गरेको हो ।
बेचन झाबारे खुलासा भएपछि उनीबारे चासो व्यक्त हुन थालेको छ । विश्वस्त स्रोतका अनुसार झा भारतीय नागरिक हुन् ।
नेपालमै बिहे गरेका उनको ससुराली सिरहाको देउरिपट्टी हो । बेचन तराई कांग्रेसका संस्थापक नेता बेदानन्द झाका भाइ कुलानन्दका ज्वाइँ हुन् ।
जेठाससुरा बेदानन्द झाकै लिगेसीबाट बेचन काठमाडौंमा स्थापित भएको र उच्च राजनीतिक नेतृत्वसँग सम्पर्क स्थापित गरेको उनलाई नजिकबाट चिन्नेहरू बताउँछन् ।
नक्कली शरणार्थीसम्बन्धी गिरोहका सदस्यहरू धमाधम पक्राउ पर्न थालेपछि बेचन फरार छन् । प्रहरीले उनलाई खोजिरहेको छ ।
अहिले बेचनको स्थायी बसोबास काठमाडौंमै हो । उनको घर मध्यबानेश्वरस्थित चेल्सी कलेज र पाठशाला स्कूलको बीचमा छ ।
भारतीय नागरिक भए पनि बेचन ४० वर्षदेखि काठमाडौंमा बस्दै आएको उनका एक निकटस्थले बताए ।
शुरूमा नेपाली कांग्रेसका तत्कालीन सभापति गिरिजाप्रसाद कोइरालासँग उनको राम्रो सम्बन्ध थियो ।
पछि शेरबहादुर देउवालाई पहिलोपटक प्रधानमन्त्री बनाउन आफूले नै भारततर्फ 'च्यानल' मिलाउने काम गरेको उनले आफ्ना निकटस्थहरूसँग बताउने गरेका छन् ।
'एआर देव सन् (१९८६-१९८९) नेपालका लागि भारतीय राजदूत छँदा झाजीले निकै राम्रो सम्बन्ध बनाउनुभएको थियो । त्यही सम्बन्धको बलमा भारतीय दूतावासमा उहाँको निकै राम्रो पहुँच थियो । त्यतिबेला देखिकै सम्बन्धको बलमा देउवालाई पहिलोपटक प्रधानमन्त्री बनाएको हुँ भनेर उहाँले भन्ने गर्नुहुन्थ्यो,' बेचननिकट स्रोतले लोकान्तरसँग भन्यो ।
ठेक्कापट्टाको काम गर्ने बेचनले भाइ भुषण राणामार्फत आरजुसँग पनि नयाँ ढंगले सम्बन्ध स्थापित गरेको स्रोतको दाबी छ ।
'भुषण राणासँग राजनीतिकभन्दा पनि व्यापारिक सम्बन्ध बनेको थियो,' बेचननिकट विश्वस्त स्रोतले लोकान्तरसँग भन्यो, 'भुषणले नै आरजुसँग भेटघाट र चिनजान गराएका हुन् ।'
झा जलविद्युत् क्षेत्रका ठूला ठेकेदार हुन् । विद्युत् प्राधिकरणका ठूला ठेक्काहरू प्राय: उनकै कम्पनीले पाउने गरेको छ । 'यतिसम्म कि प्राधिकरणमा हुने सरुवा/बढुवामा समेत उनकै सोर्स-फोर्स चल्थ्यो,' स्रोतले भन्यो ।
शुरूमा ठेक्कापट्टा गर्दै आएको 'वेलकम ट्रेडर्स' कालोसूचीमा परेपछि बेचनले 'विभांशु ब्रदर्स' नामबाट कारोबार अगाडि बढएका थिए ।
ट्रान्सफर्मरदेखि 'एसआर कन्डक्टर' खरिद र अन्य ठूला ठेक्काहरू हात पार्दै आएका बेचनले तत्कालीन उपप्रधान एवं ऊर्जामन्त्री टोपबहादुर रायमाझीसँग पनि नजिकको सम्बन्ध बनाए । यही प्रकरणमा टोपबहादुर पनि पक्राउ परेर प्रहरी हिरासतमा छन् ।
'भारतीय दूतावासमा समेत सहज पहुँच राख्ने झाको सम्बन्ध प्रधानमन्त्री निवास बालुवाटारदेखि सिंहदरबारसम्म थियो । टोपबहादुर ऊर्जामन्त्री छँदा नै उनीसँग बेचनले सम्बन्ध विस्तार गरेका थिए,' स्रोतले भन्यो ।
अहिले भारतीय दूतावाससँग उनको सम्बन्ध बिग्रिएको बताइन्छ । भारतीय प्रहरीले पनि बेचनलाई 'मोस्ट वान्टेड'का रूपमा खोजिरहेको स्रोतको दाबी छ ।
भारतको मेघालयमा सञ्चालित सीएमजे युनिभर्सिटीका चान्सलर डा. चन्द्रमोहन झासँग २ करोड भारतीय रुपैयाँ लिएर फरार भएपछि बेचनविरुद्ध भारतमा मुद्दा चलेको छ ।
चन्द्रमोहन र बेचन आफन्त पनि हुन् । एकपटक उनले जनकपुरको जानकी मेडिकल कलेज खरिदका लागि भन्दै चन्द्रमोहनलाई हेलिकप्टरमा जनकपुर ल्याएका थिए ।
'त्यतिबेला के कुरा मिलेन, उहाँले जानकी मेडिकल कलेज किन्नुभएन,' विश्वस्त स्रोतले भन्यो ।
बेचन जनमत पार्टीबाट उपराष्ट्रपति पदको उम्मेदवार बनेकी ममता झाका सम्धी समेत रहिसकेका छन् ।
बेचनका जेठा छोरा विभांशुको विवाह ममताकी छोरीसँग भएको थियो । अहिले उनीहरूबीच सम्बन्धविच्छेद भइसकेको छ ।
रोचक तथ्य त के भने विभांशु भारतमा दुईपटक अपहरणमा समेत परेका थिए ।
'करीब १५ वर्षअघि आईएस्सी पढ्दै गर्दा पटनाबाट र त्यसपछि दिल्लीबाट विभांशु किडन्याप भएका थिए,' बेचननिकट स्रोतले भन्यो, 'त्यति बेला फिरौती बुझाएर छुटाइएको थियो ।'
पढ्नुहोस्, यो पनि :
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
जनताको सेवाका लागि राजनीति गरेको दाबी गर्ने नेताहरू मन्त्री बनेलगत्तै जीवनशैली बदलेर विलासी बन्न खोज्छन् । २ महिनाअघि सरकारमा सहभागी मन्त्रीहरूले पनि निवासमा विलासिताका सामान जोड्न प्रतिस्पर्धा गरेको पाइएको ...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...