जिल्ला सरकारी वकिल कार्यालयले नक्कली शरणार्थी प्रकरणका सबै प्रतिवादीको सम्पत्ति र पासपोर्ट रोक्का गर्न माग गरेको छ ।

नक्कली शरणार्थी प्रकरणमा अभियोग दर्ता भएका ३० जना प्रतिवादीहरूको सम्पत्तिका साथै पासपोर्टसमेत रोक्का गर्न सरकारी वकिल कार्यालयले माग गरेको हो ।​

'प्रतिवादीहरूको रोक्का राखिएको सम्पत्ति संगठित अपराध निवारण ऐन, २०७० को दफा १५ को उपदफा (२) बमोजिम रोक्का हुन तथा दफा १७ बमोजिम राहदानी समेत रोक्का राख्न सादर अनुरोध छ,’ अभियोग पत्रमा उल्लेख छ ।

नक्कली शरणार्थी प्रकरणमा जिल्ला सरकारी वकिल कार्यालय काठमाडौंले ३० जनाविरुद्ध २८ करोड ८१ लाख विगो दाबीसहित काठमाडौं जिल्ला अदालतमा मुद्दा दर्ता गरेको छ ।