सर्वोच्च अदालतले नागरिकता विधेयक कार्यान्वयन गर्न बाटो खुलाएपछि ३ दिनमा ४६७ जनाले नागरिकता पाएका छन् । 

गृह मन्त्रालयका प्रवक्ता केदारनाथ शर्माका अनुसार काठमाडौं लगायत देशभरमा ३ दिनमा ४७६ नागरिकता पाएका हुन् । 

उनका अनुसार झापामा ५७, पर्सामा १२३, रौतहटमा २, बारामा ५, सर्लाहीमा २४, सिराहमा ४१, महोत्तरीमा १८, काठमाडौंमा ४६, धनुषामा ४२, पूर्वी नवलपरासीमा १०, रुपन्देहीमा ४५, दाङमा २, बाँके १, बर्दियामा १२ र चितवनमा ३९ जनाले नागरिकता पाएका छन् । 

असार ८ गते सर्वोच्च अदालतले २ पटक पारित भएको नागरिकता विधेयक प्रतिनिधि सभाको कार्यकाल सकिएपछि निष्क्रिय भयो वा शून्यमा गयो भन्न नमिल्ने ठहर गरेको थियो । त्यो निर्णयसँगै रोकिएर रहेको नागरिक विधेयक कार्यान्वयनको बाटो खुलेको थियो ।

त्यससँगै शुक्रवारदेखि देशभरमा जन्मसिद्धका आधारमा नागरिकता लिन शुरू भएको छ ।