सन् २०१५ देखि कतारमा बसोवास तथा रोजगारी गर्दै आएका सुदर्शन भण्डारीले एनआरएनए एनसीसी कतारको कोषाध्यक्षमा उम्मेदवारी दिएका छन् ।

आफ्ना १० बुँदे प्रतिबद्धता जारी गर्दै भण्डारीले कोषाध्यक्ष पदमा उम्मेदवारी घोषणा गरेका हुन् ।

हाल मानव सेवा आश्रम कतारको कोषाध्यक्ष समेत रहेका भण्डारीले कतारमा रहेका नेपाली श्रमिकहरूको हकहित र आर्थिक सुरक्षाका लागि काम गर्ने प्रतिबद्धता जनाएका छन् ।

नुवाकोट स्थायी ठेगाना भएका भण्डारी परिवारसहित कतारमा बसोवास गर्छन् ।

हेर्नुहोस्, १० बुँदे प्रतिबद्धता : 

१) कोषमा रहेको रकम अपचलन हुन नदिन र धेरैभन्दा धेरै अर्थ संकलन गरी नेपालमा नै कतारबाट फर्किएका श्रमिकहरूका लागि रचनात्मक क्षेत्रमा लगानीमा प्रोत्साहन दिई समाजलाई अधिकतम लाभ उठाउने प्रकृतिका अभ्यासका लागि 

२) कुनै पनि देशमा विना तालिम या विना सीप जाने प्रवृत्ति रोक्न मागका साथै  दलालका बिगबिगी रोक्न

३) ४०/६० अनुपातमा कोषको रकम विभाजन गरी कम्तीमा तत्कालीन १०० व्यक्तिलाई रोजगारी र कम्तीमा ५००० जना लाभान्वित हुने योजना प्रक्षेपणका लागि

४) पाँच वर्षभित्रमा सो योजना नेपालको विभिन्न जिल्लामा कम्तीमा १००० जनालाई रोजगारी र तत् संस्थाको चुक्ता पुँजी १ अर्ब बनाउनका लागि 

५) परिषदलाई राजनीति, षड्यन्त्र र किचलोबाहिर राखी समझदारी र सौहार्दपूर्ण वातावरणमा सेवा प्रदान गर्ने संस्थाको रूपमा विकास गर्नका लागि

६) जिल्ला र सीटीईभीटीसँग समन्वय गरेर हरेक जिल्लामा एक-एक तालिम केन्द्र स्थापना गरी विदेश आउने हरेक नेपाली श्रमिकहरूले प्राविधिक शिक्षा र तालिम प्राप्त गरी सर्टिफाइड बनाई अर्धदक्ष क्षेत्रमा धेरै भन्दा धेरै तलबमा आउन सक्ने स्थिति सिर्जनाको पहल गर्न

७)कतारमा श्रमका लागि आउने हरेक नेपालीले वर्षको १० रुपैयाँ जम्मा गर्ने र ती रकम संकलन गरी विदेशबाट नेपाल फर्किएका नेपालीहरूका लागि स्थानीय क्षेत्रमा रोजगारी सिर्जना गर्नुका लागि पूर्वाधार खडा गर्न

८) एनसीसी कतारमा हुने गरेका विविध कार्यक्रमका अनावश्यक खर्च कम गरी त्यसबाट बचत रकम कतारमा रोजगारीका साथै पत्रकारिता र कलाकारिता गरिरहनु भएकाहरूलाई निश्चित पारिश्रमिक तोकी उचित व्यवस्थापन गर्ने र सकेसम्म स्थानीय कलाकार नै प्रयोग गरेर कार्यक्रम गराउने परिपाटी सिर्जना गर्न

९) एनसीसी श्रमिकमुखी बनाउनका लागि अनलाइन फारम भर्न नसक्ने नेपालीलाई सहयोग होस् भन्ने दृष्टिले राजदूतावासलाई आग्रह गरी एनआरएनए कतारको प्रतिनिधि या अन्य स्रोतको एक सहयोगी र फोटोकपी मेसिन राख्नका लागि पहल गर्न

१०) महिनाको एकपटक लेबर क्याम्पहरूमा भिजिट गरी वस्तुस्थिति खोज्न र नाजुक अवस्था देखिएमा सम्बन्धित निकायमा खबर गरी उचित व्यवस्थापनका लागि दबाब दिन ।

र, अन्त्यमा, परिषदको उद्देश्यप्राप्तिका लागि आवश्यक सबैखाले काम गर्न ।